QR Prezıdenti Nursultan Nazarbaev brakonerlerdiń qolynan qaza tapqan Erlan Nurǵalıevti İİİ dárejeli «Barys» ordenimen marapattady dep jazady Qamshy.kz aqparat agenttigi Aqordanyń resmı saıtynyń deregin negizge alyp.
Qazaqstan Respýblıkasynyń memlekettik nagradalarymen nagradtaý týraly
QAÝLY ETEMİN:
1. Qyzmettik boryshyn atqarý ústinde kórsetken erjúrektigi men janqıarlyǵy úshin nagradtalsyn:
İİİ dárejeli «Barys» ordenimen
Nısyk Petr Alekseevıch - Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Ortalyq óńirlik fılıalynyń ınspektory.
♦Erlan Nurǵalıevti óltirdi degen kúdiktiler ustaldy
Nurǵalıev Erlan Balǵabekuly (marqum) - Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» RMQK Ortalyq óńirlik fılıalynyń ınspektory.
2. Osy Jarlyq qol qoıylǵan kúninen bastap qoldanysqa engiziledi.
Májilis depýtattary, qoǵam belsendileri «Ohotzooprom» ınspektory Erlan Nurǵalıevke «Halyq Qaharmany» ataǵyn berýdy usynǵan bolatyn.
♦"Erlan Nurǵalıevti qaıtys bolǵan soń tanyp jatyrmyz, sebebi ol..."Depýtat Jambyl Ahmetov memlekettik qyzmet salasynda júrip, sońyna deıin kúresip, qaza tapqan qoryqshyny marapatqa usynýdy suraǵan.
«Keıbir eriktiler onyń esimin ulyqtaý maqsatynda qolynda eliktiń laǵyn ustap turǵan sýretiniń negizinde eskertkish ornatpaqshy. Munyń barlyǵy halyqtyń óz batyryn qalaı qurmetteıtinin kórsetedi. Sonymen qatar, brakonerlermen kúres jolynda erlik tanytqan Erlannyń áriptesi – Petr Nısyk te marapatqa laıyq dep sanaımyz», - dedi depýtat Jambyl Ahmetbekov.
Usynǵan: Ásel Bolatqyzy
Pikir qaldyrý