Búkil jurtshylyqty eseńgiretken jantúrshigerlik oqıǵada qaza tapqan bes balanyń úlkeni Albınanyń haty Facebook jelisinde jarıalandy, dep jazady Qamshy.kz aqparat agenttigi.

Aıaz ataǵa jazǵan hatynda Albına ózderiniń pana etip júrgen úılerin de beınelepti. Al óziniń hatynda "Men jańa jylda ózime jańa planshet alǵym keledi. Men óte tártipti qyz boldym, ata-anamnyń tilin alyp júrdim. Men sizdiń bar ekenińizge senemin..."

12 jastaǵy mektep oqýshysynyń hatyn óziniń paraqshasynda jarıalaǵan Artýr Maǵzomov esimdi jeli qoldanýshysy bylaı deıdi:

"Ótken túnde órtten kóz jumǵan 5 balapannyń úlkeni Albınanyń Aıaz ataǵa jazǵan haty. Mektepten aldyq. Tap-tar jerdi pana qylǵan balalardyń otqa oranǵan kereýetteri ǵana qalypty... Bir sýretinde óziniń úıin salypty Albına, órtengen úıdiń de sıqy osyndaı, shatyry joq".

Usynǵan: Nazerke Labıhan