Aqparat jáne komýnıkasıalar mınıstri Dáýren Abaev Ortalyq komýnıkasıalar qyzmetinde "QAZAQ EPOS" respýblıkalyq aǵartý jobasy boıynsha bastalǵan brıfıńte búgin túnde qaıtys bolǵan 5 balanyń ata-anasyna kóńil aıtty dep jazady Qamshy.kz aqparat agenttigi. 

"Búgin túnde Astanadaǵy jekemenshik úılerdiń birinde oryn alǵan órtten qaza tapqan 5 balanyń ata-anasy men týǵan-týystaryna kóńil aıtamyn. Órt kezinde kishkentaı balalardyń ata-anasy jumysta bolypty. Órttiń shyǵý sebepterin tekserip jatqan quzyrly organdar naqty aqparat beredi dep senemiz. Óte qaıǵyly jaǵdaı. Balalarymyzǵa jáne olardyń ómirine saq bolaıyq. Qazir ata-analarǵa psıhologtar kómek kórsetip jatyr. Ákimdik te barlyq qajetti jumysty júrgizýde", dedi mınıstr. 

Sondaı aq Astana ákimdigi jerleý rásimin uıymdastyrý sharalaryn óz moınyna aldy. Áleýmettik jelide jýrnalıser men qoǵam belsendileri qaıǵyly oqıǵaǵa baılanysty qaraly kún jarıalaýdy usynǵan bolatyn. Mınıstr bul týraly da pikir bildirdi. 

"Qaraly kún jarıalaýdyń óz krıterııleri bar. Eger sol krıterııler bolsa, ony arnaıy komısıa sheshedi. Bul bizdiń qolymyzdaǵy dúnıe emes", dep qysqa jaýap berdi Dáýren Abaev. 

Usynǵan: Ásel Bolatqyzy