Instagram –  qazirgi tańdaǵy óte tanymal áleýmettik jelilerdiń biri. Qamshy.kz aqparat agenttigi ınstagram paraqshańyzdy damytyp, ózindik kontent qalyptastyrýǵa kómektesetin keńester usynady.

1.Instagramda basqa adamdarmen jıi sóılesińiz. Ózińizge unaǵan jaqsy jarıalymdarǵa maǵynaly pikir qaldyryńyz. Ol basqa adamdardyń sizdiń jeke paraqshańyzǵa degen qyzyǵýshylyǵyn arttyrady.

2. Sizdiń ınstagram paraqshańyz bar ekenin ózgeler bilsin. Ol úshin dostaryńyz ben tanystaryńyzǵa paraqshańyzǵa tirkelýin surańyz. Ózińizdiń basqa da áleýmettik jelilerde paraqshańyz bar ekenin kórsetińiz. Ol sizdiń belsendiligińizdi bildiredi jáne sizge oqyrmannyń qyzyǵýshylyǵyn arttyrady.

3. Basqa áleýmettik jelilerde ınstagram paraqshańyzǵa silteme qaldyryńyz. Sol arqyly sizdiń paraqshańyzdy kórýge múmkindik bolady.

4. Ózińizdiń jeke paraqshańyzǵa qatysy bar taqyrypta fotokonkýrs uıymdastyryńyz jáne ózderiniń usynystaryn qaldyrýyn surańyz. Fotobaıqaýdan úzdik sýretti tańdap, óz paraqshańyzǵa belgileńiz jáne jeńimpazǵa jaqsy syılyq berińiz. Mysaly, tegin zattar, konsertke bılet berseńiz de bolady. Bul ádis kóp adamdardy ózine tartady.

5. Instramdaǵy tanymal kontentterden habardar bolyńyz jáne mańyzdy, qyzyqty jańalyq jarıalanǵan kezde ony qaıtalap jarıalap kórińiz. Bul ádis sizdiń jyldamdyǵyńyzǵa baılanysty, eger biraz ýaqyttan keıin jarıalasańyz, ol jańalyqty ózge paraqshadan kórgen adam sizdiń paraqshańyzǵa qaıta kirmeýi múmkin.

6. Jıi jarıalym qajet. Kóbinese kúnine 2-3 habar jarıalaıtyn paraqshalar tanymal bolady. Alaıda kóp jarıalymdar sizdiń aýdıtorıańyzdy jalyqtyrýy múmkin. Sol úshin jańalyqpen bólisetin yńǵaıly ýaqytty bilińiz. Jarıalym salý úshin eń jaqsy ýaqyt dúısenbi men beısenbi kúnderi. Al jarıalymdar úshin eń nashar ýaqyt kúndizgi saǵat 15..00 pen 16.00-diń arasy.

7. Instagramdaǵy fıltrlerdi jıi qoldanyńyz. Ol sizdiń paraqshańyzdyń belsendiligin arttyrady. Mysaly, Mayfare – eń tanymal fıltr. Ádette ashyq reńdi sýretter qara reńdi sýretterden 24% artyq laık jınaıdy.

8. Aýdıtorıańyzdyń qyzyǵýshylyǵyna oraı heshtegti jıi qoldanyńyz. Heshtegpen jarıalanǵan jarıalymdar 12,6 % jıi qaralym jınaıdy. Mysaly, tanymal #fashiongoals, #instafashion, #instagood, #photooftheday nemese keń taralǵan #love, #happy, #dog heshtalardy qoldanyńyz.

9. Geoteg degen – siz bolǵan tanymal jerlerdi anyqtap, belgilep turatyn ınstagramnyń jaqsy fýnksıasy. Sýretińizdi júkter aldynda «kartaǵa sýret júkteý» fýnksıasynyń qosylyp turǵanyna kóz jetkizińiz. Bul sizdiń aýdıtorıańyzǵa  shynymen de sol jerde bolǵanyńyzdy dáleldeıdi jáne sizge senimdi arttyrady.

10. Trendten habardar bolyńyz. "Internette tanymal bolady" degen jańa nárselerdi jarıalańyz. Mysaly, jýrnal betterindegi kıim sýretterin nemese tanymal tulǵanyń jańa mýzykalyq álbomynyń sýretin jarıalap kórińiz.

11. Ádemi, áserli sýretterińizdi jarıalańyz. Dostaryńyzben tanymal jerlerde túsken estelikterińizben bólisińiz.

12. Sýretterińizdiń joǵary sapaly bolýyn qadaǵalańyz. Sapaly sýret – sapaly kontenttiń kepili.

Mine, osy keńesterdi qoldansańyz, tabysqa jeterińiz sózsiz.