Órt saldarynan 5 balasynan aıyrylǵan astanalyq Sıterler otbasynyń 4 bankten alǵan nesıesi bar eken. Onyń biri - Kaspi bank. Qalǵan úsheýi belgisiz.

Búgin Kaspi bank basshylyǵy otbasynyń qaıǵysyna ortaqtasa otyryp, atalmysh bankten alǵan nesıelik qaryzyn túgel jabýǵa sheshim qabyldapty. Bul aqparatty Qamshy.kz aqparat agenttiginiń tilshisine bank ókilderi rastady.

"Biz bul qaıǵyly jańalyqty estip tań qaldyq. Kaspi.kz-tiń basshylyǵy Sıterler otbasynyń nesıeleri boıynsha qaryzdy jabý týraly sheshim qabyldady", - dedi bank ókili.

♦«5 balanyń ólimi seniń moınyńda, Madına Ábilqasymova!»

Aıta keteıik, qaıǵyly oqıǵa dúısenbige qaraǵan túni bolǵan. Saryarqa aýdany Shyńǵystaý kóshesinde ornalasqan "vremánkada" túngi úshte órt shyqqan. Kóp uzamaı ýaqytsha salynǵan baspananyń shatyry qırapty. Tilsiz jaý týraly habar órt sóndirý qyzmetine 03.24 kezinde jetken, órt sóndirýshiler jalyndy bir saǵattan soń sóndirdi. Janyp ketken úıden 2006, 2008, 2013, 2015 jáne 2018 jyldary týǵan balalardyń denesi tabylǵan.

Olardyń ata-anasy tótenshe oqıǵa kezinde jumysta bolypty.

♦Tirideı órtenip ketken 5 balanyń úlkeni Albınanyń haty...

Órt aýmaǵy – 30 sharshy metr, jalyndy sóndirýge 17 órt sóndirýshi men 5 kólik qatysqan, budan bólek tótenshe jaǵdaılar komıtetiniń ortalyq óńirlik aeromobıldi jedel qutqarý jasaǵynan tórt adam men bir kólik jumyldyrylǵan.

Búgin Astana qalasynda 5 balany jerleý rásimi ótti.

Usynǵan: Gúlim Jaqan