Aǵymdaǵy jyldyń 4 aqpanynda oryn alǵan qazaly oqıǵa - 5 balanyń ómirin jalmaǵan apat búkil jurtshylyqtyń qabyrǵasyn qaıystyryp, tóbesinen jaı túskendeı kúıge dýshar etti. Búgin Astana qalasynda jantúrshigerlik jaǵdaıda qaza tapqan 5 balany jurtshylyq jamaǵat bolyp jerlegen bolatyn. Kóz jasyn tyıa almaǵan halyq "bundaı qaıǵy bolashaqta qaıtalanbasa eken, jaýapty quzyrly organdar adam ómirine beıjaı qaramaı, eń birinshi, adam kapıtalyna basa nazar aýdarsa eken" deıdi. Osy syndy pikirlerdi áleýmettik jeli qoldanýshylary jappaı aıtyp, ashynǵan jurt QR Eńbek jáne halyqty áleýmettik qorǵaý mınıstri Madına Ábilqasymovanyń otstavkaǵa ketýin talap etýde. 

Jerleý rásimi kezinde túsirilgen myna vıdeoda 5 búldirshindi aqtyq saparǵa shyǵaryp salýǵa kelgenderdiń biri "jetispeýshiliktiń sońy orny tolmas qazaǵa ushyratty..." - deıdi. 

Sondaı-aq, aýyr qazaǵa dýshar bolǵan otbasynyń kórshisi olardyń biraz ýaqyttan beri ákimdiktiń tabaldyryǵyn tozdyryp, páter surap júrgendigin aıtty.

"Eger bılik bul otbasynyń ótinishine erterek mán berip, jaǵdaı jasaǵanda, mundaı qaıǵy bolmas edi. Qazir men bes balanyń ata-anasynyń qasyna bara almaı da otyrmyn, olarǵa ne aıtyp, qalaı jubatarymdy bilmeımin..." - deıdi kórshisi.

Usynǵan: Nazerke Labıhan