Pavlodar oblysynda taǵy bir otbasy túgeldeı ystan ýlanyp qaıtys boldy, dep jazady Qamshy.kz aqparat agenttigi.

Pavlodar oblysy Baıanaýyl aýdany Uzynbulaq aýylynda bútindeı bir otbasy – ákesi, anasy jáne eki balasy ystan ýlanyp kóz jumdy. Qaıǵyly habar tótenshe jaǵdaılar departamentine keshki 21:30-da kelip túsken. Belgili bolǵandaı, anasynyń aıaǵy aýyr, ishindegi balasy 5 aılyq bolypty.

«06.02.2019 jyly saǵat 21:30-da Baıanaýyl aýdany Uzynbulaq aýylynyń ákimdiginen Pavlodar oblystyq tótenshe jaǵdaılar departamentine habar kelip tústi. 14 sharshy metrdi quraıtyn jeke turǵyn úıde 4 adamnyń máıiti tabylypty. Olar: Bekbolatov Rýstam – 1979 jylǵy, Bekbatyrova Natalá – 1980 jylǵy, Bekbatyrova Dınara – 2004 jylǵy, Bekbatyrov Damır – 2007 jylǵy. Aýyl turǵyndarynyń aıtýynsha, Natalá júktiliktiń 5 aıynda bolǵan. Ákesi men anasy ýaqytsha jumyssyz júripti. Aýyl ákimi M.A.Muqanovtyń aıtýynsha, otbasy tútinnen ýlanyp qaza tapqan. Oqıǵa ornynda jaýapty mekemeniń qyzmetkerleri jáne kezekshi prokýror tekseris jumystaryn júrgizýde», - delingen oblystyq tótenshe jaǵdaılar departamentiniń habarlamasynda.

Derekterge sáıkes, olardyń 17, 18 jasta taǵy eki qyzdary bar eken. Olar aýdan ortalyǵynda oqıtyndyqtan úılerinde bolmaǵan.

Usynǵan: Nazerke Labıhan