Venesýela ekonomıkasyna 17 mıllıard dollardan astam qarjy quıǵan Reseı Nıkolas Modýrony saqtap qala ala ma, joq pa, ol jaǵy ázirge belgisiz. Belgilisi, Reseı men Qytaı bir jaq ta, qalǵan memleketter odaqtas bolyp otyr. Al AQSH qalaı aıtqanda da, Madýrony ornynan taıdyrmaq nıette. CBS telearnasyna bergen suhbatynda AQSH prezıdenti Donald Tramp «Venesýelaǵa ásker kirgizý Modýrony ornynan ketirýdiń bir nusqasy» dep málimdedi. Biraq bılikten kete qoıar Madýro joq.
–Tramp myrza, sizdiń qoqan loqyńyzdan bizdiń úreılenetin jaıymyz joq. Beıbit otyrǵan Venesýela halqyna qandaı da bir áskerı kúsh qoldanýǵa eshqandaı sebep joq. XXI ǵasyrda soǵys týraly áńgime aıtý – aqymaqtyq. Biz qandaı jaǵdaıǵa qaramastan ózimizdi qorǵaıtyn bolamyz,–dedi prezıdent Nıkolas Madýro.
Budan shyǵatyn qorytyndy ne? Qazirgi ýaqytta Venesýelanyń jaǵynda álemdegi eń qýatty memleketterdiń biri –Reseı men Qytaı tur. Ásirese, qazirgi ýaqytta Venesýela Reseıdiń kepilindegi elge aınalyp otyr. Sondyqtan da resmı Máskeý Madýrony bılikten ketirgisi kelmeıdi. Venesýela EýroOdaqtaǵy birqatar memleketterdiń merziminen buryn prezıdenttik saılaý ótkizý týraly talabyn oryndaýdan bas tartty. Munyń sebebi nede? Sarapshylardyń aıtýyna qaraǵanda, Venesýela Reseıge senip otyr. Biraq sarapshylardy tolǵandyryp otyrǵan másele, aldaǵy ýaqytta senarı qalaı órbıdi? Orys saıasatkerleriniń ózi «Reseı Venesýelaǵa Sırıa senarıin ázirlep jatyr» degendi aıtýda. Múmkin shyn máninde solaı ma, joq pa, ol jaǵy áli belgisiz. Biraq munyń barlyǵy ashyq aıtylyp jatqan joq. Aqıqaty, Venesýela máselesimen qazirgi ýaqytta Vladımır Pýtınniń kómekshisi Vladıslav Sýrkov aınalysyp jatqan sekildi. Buǵan deıin Ýkraınanyń Donbass aýmaǵy pen Sırıa máselesiniń jobasyn jasaǵan Sýrkov bul joly da Vnesýelany AQSH bastaǵan jaqtastarǵa bere qoıady dep aıtý qıyn. Sondyqtan Venesýela astanasy Karakasta eshkim kútpegen oqıǵalar oryn alýy múmkin. Tipti AQSH -ta muny ańdamaı qalýy yqtımal. Elde ekinshi prezıdent bolyp saılanǵan Hýan Gýaıdo «eger men prezıdent bolsam, Reseımen jáne Qytaıǵa búgingiden de tıimdi bolady» dese de, resmı Máskeý AQSH -tyń úmitkerin bılik basynan kórgisi kelmeıdi. Sondyqtan Pýtın basqarǵan júıe Madýrony barynsha saqtap qalýǵa tyrysady.
Eger AQSH Venesýelaǵa ásker kirgizetin bolsa, onda munda Karakas kóshesi qandy oqıǵaǵa aınalady.
Ázirge eki prezıdent te qazir bılikte, óz-ózderin prezıdent etip jarıalady. Biraq olarǵa ot kósep, dem berip otyrǵan alpaýyt memleketter jeterlik. Eki jaq ta saıası teketires ústinde. 21 qańtardan beri bastalǵan tolqýdyń eki jaǵynda da halyq tur. Biri Ulttyq Assambleıanyń tóraǵasy Hýan Gýaıdony, ekinshisi Nıkolas Madýrony qoldaıdy. Al Reseı prezıdentiniń kómekshisi Sýrkov «Sırıa senarıin» ázirlep jatyr» degen aqparat bar. Karakas kóshelerinde qaqtyǵys bolmaýy tıis. Qalaı aıtqanda da, eki jaq bitimge kelýi kerek. Eldiń kútkeni de osy.
Al AQSH-tyń memlekettik hatshysy Maık Pompeo «Venesýeladaǵy bıliktiń aýysýy eń aldymen Reseı men Qytaıǵa jáne Kýbaǵa tikeleı baılanysty. Qazirdiń ózinde kýbalyqtar men reseılikter Madýronyń aınalysynda. Biraq Pýtın júıesi Venesýela halqy men ekonomıkasyna derbestik berýi kerek» dep máseleni ashyq aıtty.
