Qazirgi tańda bir adamnyń qıyn jaǵdaıǵa túsip qalǵany eldi eleń etkizse, qazaqstandyqtar dereý shot ashtyryp, aqsha jınaǵysh bolyp alǵan.
Tipti keshegi balalarynan aıyrylǵan baspanasyz otbasy sekildi jaǵdaıǵa ǵana emes, brakonerler qolynan qaza tapqan Erlan Nurǵalıev úshin de shot ashtyrýdy surap jatqandardyń qarasy mol boldy.
Qarap kórińizshi, el múddesi, memleket múddesi úshin ómirin qıǵan, qyzmet babymen qaza tapqan batyrdyń otbasyna nege aqsha bergisi keldi? Sonda memleket óz qyzmetkeriniń otbasyna kómek bere almaı ma?
Bizdiń halyq nege jomart bola qaldy?
Jaýaby bireý-aq: qazir qazaqstandyqtar memleketke senýden qalǵan!
Qalaı sensin, álem bizdi tanydy, ıakı tanysyn dep, aqsha shashý, kópirte maqtaý...
"Astanada qurylys damyp jatyr" deımiz, adamdar jerkepede turyp jatyr, "Jasyl energıa" dep EKSPO ótkizemiz, balalar kómirden ýlanyp jatyr.
Ábden kóńili qalǵan halyq memlekettiń ózi úshin qurban bolǵan batyryna da kómektespeıtinin bilip, óz kúshterimen bir-birine qaraılaýǵa kóshti.
Buryn toqsanynshy jyldary da memleketten úmit kútpeı, óz kúnderin kórýge kirisip, bazarǵa shyǵyp ketken, endi ózgelerge kómektesýge kóshken.
Kelesi etap, ózderi isteýden sharshap, qoǵamnyń ortaq múddesin memleketke qaıta artýyn talap etýi múmkin. Al ondaı jaǵdaıdy beıbit ótedi deý qıyn...
Saıasat Ideıatulynyń Facebook-tegi paraqshasynan alyndy
Usynǵan: Gúlim Jaqan
