Shıgeo Katsý Sesnabank dırektorlar keńesiniń basshysy bolyp taǵaıyndaldy dep habarlaıdy Qamshy.kz aqparat agenttigi. 

Sondaı-aq Sesnabanktiń basqarma tóraǵasy bolyp Bekjan Pırmatov taǵaıyndalǵan. Ol First Heartland Bank - ti basqarady. 

2010 jyldyń jeltoqsanynda Shıgeo Katsý Nazarbaev atyndaǵy ýnıversıtettin prezıdenti atandy.  Bul qyzmetke deıin ol Dúnıejúzilik bankte jumys istep, Azıa, Afrıka jáne Eýropadaǵy qarjylyq sektordy reformalaýǵa jetekshilik etken. 

Aıta ketsek, 6 aqpanda Sesnabanktiń burynǵy basshysy Ádilbek Jaqsybekov 99,5 paıyzdyq aksıasyn satqan bolatyn. Atalmysh aksıany First Heartland Bank satyp aldy. 

«First Heartland Securities» AQ – «Nazarbaev Ýnıversıteti», «Nazarbaev Zıatkerlik mektepteri» jáne «Nazarbaev Qory» derbes bilim berý uıymdarynyń ınvestısıalyq holdıńiniń quramyna kiretin qazaqstandyq brokerlik kompanıa.

Aýdarǵan: Ásel Bolatqyzy