Londondaǵy Haıgeıt qabirstanyndaǵy  qaba saqal komýnıs Karl Markstyń molasyna  qoıylǵan qulpytasyn  belgisiz bireýler balǵamen aıaýsyz shaǵyp ketken. «Friends of Highgate Cemetery»  qorynyń dırektory Ien Dangvell  «Guardian» gazetine bergen suhbatynda  Marstyń qabirin qorlaýdy «saıası kózqarasty túsiniksiz túrde bildirýge» balapty.

 Karl Markstyń qabirindegi eskertkishi 1956 jyly arnaıy túrde ashylǵan. «Biz muny Karl Marksqa  qarsy ádeıi uıymdastyrylǵan aksıa dep oılaımyz. Bul kekzdeısoqtyq emes. Sýretten kórip turǵandaryńyzdaı, shabýyldaýshylar  bar kúshterimen Karl Markstyń esimin óshirýge tyrysqan» deıdi Dangvell.

 London polısıasy suraý salý men tekseristen soń tergeýdi jańa aqparat shyqqanǵa deıin toqtata turýdy jón kóripti.

Marks Haıgeıt qabirstanyna 1881 jyly jerlengen, al eskertkishi 1956 jyly arnaıy túrde ashylǵan.  

 1970 jyly basbuzarlar Markstyń eskertkishin qoldan jasalǵan bomba arqyly joıyp jiberýge talpynys jasaǵan. Bul jerde Karl Markspen birge onyń áıeli Jennı Marks jáne otbasy músheleri jerlengen.

Aıtpaqshy, «Drakýla qanynyń dámi» atty qorqynyshty fılmder osy Marks jerlengen «Haıgeıt» qabirstanynda túsirilgen. Bul qabirstandy vampırler mekendeıdi degen qorqynyshty áńgime de álemge taraǵan.