Polshanyń Sveche qalasynda Lıngvısıkalyq-tehnologıalyq ýnıversıtette Sársen Amanjolov atyndaǵy Shyǵys Qazaqstan memlekettik ýnıversıteti delegasıasy jastarǵa arnalǵan «Abaı» mádenı-bilim berý ortalyǵynyń ashylýyna qatysty dep jazady Qamshy.kz aqparat agenttigi.
Jastar jyly aıasynda S. Amanjolov atyndaǵy SHQMÝ-dyń Jastar ortalyǵyn ashý ıdeıasy Qazaqstan Respýblıkasy Bilim jáne ǵylym mınıstrligi, Shyǵys Qazaqstanoblysy ákimdigi, «Nur Otan» partıasynyń Shyǵys Qazaqstan oblystyq fılıaly tarapynan qoldaý tapty.
Ortalyqty ashýdaǵy basty maqsat - álemge qazaqstandyq mádenıettiń jetistikteri týraly bilimderdi tanytý bolyp tabylady, – dep, S. Amanjolov atyndaǵy SHQMÝ rektory, profesor MuhtarTólegen óziniń quttyqtaý sózinde atap ótti.
Onyń aıtýynsha, qazirgi álemdegi damyǵan barlyq elder de mádenıet salasyndaǵy saıasattyń biri - otandastarymyzdyń jetistikterin nasıhattaý, Qazaqstannyń rebrendıngimen aınalysýy, basqa elderdegi onyń ımıjin kóterý máselesi kún tártibindegi eń ózekti másele.
Shyǵysqazaqstandyq ýnıversıtette Abaıtanýdyń baı dástúri men Qazaqstanǵa tanymal ǵalym Aıjan Qartaevanyń ǵylymı mektebi bar, Abaı aqynnyń oılaryna arnalǵan abaıtaný boıynsha konferensıalar uıymdastyrylýda, monografıalar men ǵylymı maqalalar jarıalanýda.
Sonymen qatar, ortalyqta Polsha ýnıversıtetimen qol qoıylǵan kelisimde eki dıplomdyq bilim berý, oqytýshylar men stýdentterdiń akademıalyq almasýy, biliktilikti joǵarylatý múmkindikteri, ǵylymı taǵylymdamalar, eki ýnıversıtettiń ǵalymdary birlesken ǵylymı jobalardy júzege asyrý jáne t.b. maqsattardy kózdeıdi.
Polák ýnıversıtetinde ortalyqty ashý úshin ǵımarat bólindi, onyń kórkemdelýi úshin Qazaqstan týraly polák, aǵylshyn, qazaq jáne orys tilderinde kitaptar berildi. Sonymen qatar qazaqstandyq delegasıa ortalyqty mádenı qundylyǵy bar alǵashqy jádigerlermen, ıaǵnı, pavlodarlyq músinshi Dáýren Doshanovtyń «Abaı» músini men sýretshi Álibek Shoqanovtyń «Abaı» atty sýretterimen tolyqtyryldy.
Seriktes ýnıversıtettiń rektory Eljbetta Shternalǵa S.Amanjolov atyndaǵy SHQMÝ rektory MuhtarTólegen «Abaı» atyndaǵy medaldy tabys etti.
Polák seriktesterdiń jaýapty qadamy retinde Óskemen qalasynda S. Amanjolov atyndaǵy SHQMÝ bazasynda ataqty polák ǵalymy, álemge áıgili astronom Nıkolaı Kopernıktyń atyna ǵylymı-bilim berý ortalyǵy ashylady.
Usynǵan:Ásel Bolatqyzy
