Epıktet (50-138 j. sh.) - Rım stoısızminiń (grek fılosofıalyq mektebi-red) ókili, shyqqan tegi - qul. Onyń ilimin ejelgi grek tarıhshysy Arrıan jazyp alǵan, bizge jetkeni onyń - "Epıktettiń paıymdaýlary" jáne basqa da shyǵarmalary. (derekkóz: Ýıkıpedıa)
Qamshy.kz aqparat agenttigi oqyrmandar nazaryna oıly adamǵa oı tastar Epıktettiń biraz danalyq sózderin usynady.
***
«Bireýmen sóz talastyrý – asa jaǵymsyz jaıt. Ol bir ishkim mas adammen áńgimelesý sıaqty. Aıtqanyńa ne masty kóndire almaısyń, saý bolǵandyqtan ne óziń mastyń aıtqanyna kónbeısiń».
***
«Bireýmen áńgimelese qalsań, myna úsh kózqarasty ustan: aqyl jaǵynan ol senen artyq pa, teń be, tómen be? Eger ol senen aqyldyraq bolsa, onda aıtqandaryn tyńda. Eger ol aqymaqtaý bolsa, oǵan óziń aqyl aıt. Eger ol senimen teń bolsa, ony quptaı otyryp, áńgimeles. Eger osy úsh nárseni esińde ustasań, eshkimmen daýlaspaýǵa ózińdi úıretesiń».
***
«İsteýge tyıym salynǵan nárseni oısha isteýden aýlaq bol!»
***
«Ne qalasań, sony isteıtin adamdy «qul» deýge kelmeıdi».
***
«Týǵan jerińniń ǵımarattaryn emes, azamattaryn bıiktetseń – col seniń eń úlken jaqsylyǵyń. Bıik úılerde oıy alasa adamdar ómir súrgenshe, alasa úılerde adamgershiligi bıik tulǵalardyń ómir súrgeni áldeqaıda artyq».
***
«Seniń isiń – saǵan berilgen mindetti jaqsy oryndaý ǵana, al saǵan berilgen mindetti tańdap berý – basqanyń isi».
***
«Jaqsy sóıleı bilý óner bolsa, sonymen qatar, qulaq qoıyp jaqsy tyńdaı bilý de – óner».
***
Teatrda bir jas jigit: «Men óte aqyldymyn, óıtkeni, kóptegen fılosoftarmen áńgimeleskenmin» - dep maqtanypty. Sonda Epıktet oǵan: «Meniń de baı tanystarym kóp. Biraq báribir kedeımin» - degen eken.
***
Epıktetten «Baı adam qandaı adam?» dep suraǵanda: «Óz-ózine kóńili toq adam» - dep jaýap beripti.
Usynǵan: Maqpal Sembaı
