Semeıde juma kúni bes qabatty jataqhanadan órt shyǵyp, sonyń saldarynan bir adam qaza boldy, dep jazady Qamshy.kz aqparat agenttigi Tótenshe jaǵdaılar komıtetiniń baspasóz qyzmetine silteme jasap.

Oqıǵa ornyna kelip jetken órt sóndirýshiler turǵyndardy jataq ornynan  shyǵaryp úlgergen, órtti sóndirý úshin 2 saǵattaı ýaqyt ketipti.

QR İİM-niń TJK málimetinshe, órt shyqqany týraly habar órt sóndirý qyzmetine túngi 01:45 shamasynda kelip túsken. Órt sóndirýshiler jataqhanadan 79 adamdy shyǵarǵan, onyń 20-sy kishkentaı balalar eken.

«Avtobaspaldaqtardyń kómegimen 19 adam qutqaryldy, onyń ekeýi kishkentaı balalar. Evakýasıalanǵan adamdardyń barlyǵy №35 mektepke ornalastyryldy. Órt bolǵan jerden bir er adamnyń máıiti tabyldy. Órt túngi saǵat 03:27 shamasynda tolyqtaı sóndirildi», - deıdi TJK baspasóz qyzmetindegiler.

Belgili bolǵanyndaı, órtti sóndirýge jeke quramnan 25 adam jáne 8 órt sóndirýge arnalǵan tehnıka jumyldyryldy. Qazirgi ýaqytta órttiń ne sebepten shyqqany anyqtalyp jatyr.

Usynǵan: Nazerke Labıhan