"Taǵdyry qyl ústinde turǵan Saıragúl Saýytbaıdy qalaıda elde qaldyrýǵa kúsh salmasaq bolmaıdy.
Bul jerde aıryqsha eskeretin bár áńgime – ony bilikti zańger, óz isiniń mamany Abzal Quspan qorǵaýyna aldy. Alǵash ret Abai.kz portalynda myqty jornalshy Nurgeldi Ábdiǵanı inimiz arqyly kúlli elge belgili bolǵan bul oqıǵadan upaı jınap qalýdy kózdegen toptar, ishinara shoýmen «jýrnalıser», «ultshyldar» paıda boldy da, onsyzda qatyp turǵan Saıragúldiń basyn shyr aınaldyryp jiberdi. Olar úshin ataq jınaýdyń bir oraıly sáti osy edi.
Sonymen qatar, aıqaıǵa attan qosatyn keı pysyqtar «jergilikti qazaq», «oralman qazaq» dep onsyzda qyryq pyshaq el ishin odan ári búldirdi. Ulttyq birlik bolmaǵan jerde neniń jeńisi, neniń damýy?..
Basqasy basqa, Saıragúlge eń keregi – jurttyń qoldaýy men myqty zańgerdiń kómegi, bizdiń sot pen syrtqy jáne ishki ister organdarynyń adamı sheshimi.
Óz basym Abzalǵa bek senemin. 2017 jyly eldi eleńdetken Zaısan shekarasyndaǵy Gúljan apaıdyń 60 myń dollaryn tárkilep alý oqıǵasy kezinde etene jumys istedik. Kók tıyn almaı 8 aı boıy tegin kómek kórsetip, sot otyrystarynda zań aıasynda sátti taktıkalar qoldana otyryp, jeńip shyqty. Gúljan apaıdyń ol aqshasy negizi «qorjynǵa» túsip ketken bolatyn.
Ár toptardyń kezek-kezek tikeleı efırge shaqyra bergenine kóne bermeı, Abekeńmen sáıkese kúresýi kerek.
Qysqasy, kóp adamǵa qyzyq pen shý kerek, al Saıragúldiń óz taǵdyry tek ózinde.
Oǵan bizdiń qoldaýymyz kóp kerek. Shyryldaǵan áıeldi tobyrlyq sananyń qurbany etip almaıyq".
Ularbek Dáleıulynyń Facebook-tegi paraqshasynan alyndy
Aıta ketsek, "Almaty oblystyq polısıa departamentiniń kóshi-qon basqarmasy Qytaıda “qysym kórdim” dep málimdep, shekarany zańsyz kesip ótkeni úshin sotqa tartylǵan etnıkalyq qazaq Saıragúl Saýytbaıǵa berilgen "pana izdeýshi tulǵa" kýáliginiń merzimin taǵy úsh aıǵa uzartty. 28 qańtar kúni oblystyq polısıa departamenti kóshi-qon qyzmeti basqarmasynyń ókili Elmurat Nurseıitov tabystady. Onyń sózinshe, 25 qańtarda merzimi aıaqtalǵan kýálik 25 sáýirge deıin uzartyldy", - dep habarlaǵan bolatyn Azattyq radıosy.
Usynǵan: Maqpal Sembaı
