Ózi sóılep turǵan sýret!
...Qoǵamdy eseńgiretip ketken bes bala, bes perishteniń qazasy qabyrǵany qaıystyrdy. Áleýmettik jeli de áleýetin kórsetti. Basqa bermesin, bul jaǵdaı bıliktiń halyqtyń qarapaıym turmysynan múlde beıhabar ekendigin kórsetti. Ashynǵan halyq, alańdaǵan analar, ah urǵan aqyn... Qaıtsek, turmysymyz túzeledi?! Qashan bılik halqyna qaraılaıdy? Shylqyǵan shıkizat pen berekesi tasyǵan baılyqtyń ústinde otyryp nege kedeımiz? Kim kináli?
Jurttyń janaıqaıyn kim estıdi? Aqynnyń alaburtqan ashshy zapyranǵa toly jyryn bıliktegiler tyńdaı ma? Jýrnalısiń janaıqaıyn kim nazarǵa alady? Bes perishte ólgen soń atqarýshy bıliktegiler endi qozǵala bastaǵandaı. Ana men men balanyń turmysyn túzeý úshin mindetti túrde bireý ólý kerek pe?
Órtten. Ystan. Iisten... Astanada ólim... Qyzylordada qaraly oqıǵa... Baıanaýylda da baqılyq bolǵan bir otbasy. Semeıde taǵy órt shyqty. Bir adam taǵy qurban. Qashan toqtaıdy? Adam óliminen keıin ǵana buqaraǵa bet burǵan bıliktiń áreketine kóńiliń toq pa, beıbaq?!. Qurban bolmaý úshin qurbandyq shalamyz ba, qaıtemiz?
Qazaqstannyń qyrýar baılyǵymen bar-joǵy 18 mıllıon halyqtyń jaǵdaıyn baıaǵyda-aq jasap qoıýǵa bolar edi. Amal neshik?! Baıdy baıytqan, kedeıdiń sińirin shyǵarǵan júıe, bul! Qara halyqtyń da kóshesinde toı bolar.
...Karıkatýralyq kartınalarymen talaı halyqaralyq báıgelerde olja salǵan áriptesim Ǵalym Smaǵuldyń qoǵamnyń shynaıy kórinisin beınelegen sýretin kórgendegi oı edi, bul!
