Qazaqstannyń Bas prokýratýrasy jáne ishki ister mınıstrliginiń qyzmetkerleri Domınıkan Respýblıkasynan qylmystyq jaýapkershilikke tartý úshin Marına Orýmbaevany (Nevskaıa) ekstradısıalady. Bul týraly QR Bas prokýratýrasy habarlady.  

Vedomstvo deregine súıensek, Marına Orýmbaevany Shyǵys Qazaqstan oblysynyń sybaılas jemqorlyqqa qarsy qyzmeti izdegen. Oǵan 9 mıllıon teńgege jýyq somaǵa memleketke zalal keltire otyryp, senip tapsyrylǵan múlikti talan-tarajǵa saldy degen aıyp taǵyldy. 

Orýmbaeva qylmystyq qýdalaý organynan jasyrynǵan jáne halyqaralyq izdeýde bolǵan.

Qazaqstan men Domınıkan Respýblıkasy arasynda ustap berý týraly ekijaqty kelisimniń bolmaýyna qaramastan, Bas prokýratýranyń suraýyn shetel bıligi qanaǵattandyrdy. 

Qazirgi ýaqytta Orýmbaeva Astana qalasynyń tergeý ızolátorynda otyr.

Usynǵan: Gúlim Jaqan