Jýrnalısıkany armandap kelgen boıjetken BAQ tabaldyryǵyn attaǵanda qatty qorqady. "Osy jumysty alyp kete alamyn ba?" degen úreımen ómir súredi. Jumys jasaıdy. Jan-jaǵyna jaltaqtap qarap, meıirim men qoldaý kútedi. Oń-solyn tanymaǵan, alaıda talanty, talaby bar kelbetti qyzǵa jany ashıtyn, maqtaý sózin aıamaıtyn "aǵalar" paıda bola bastaıdy. Aǵashkalar emes, "aǵalar". Úıdegi úlken aǵań qusap, qamqorlyq tanytady. Ideıa tastaıdy, aqyl-keńesin aıamaıdy. Qyz da "aǵa, aǵa" dep ańqyldaǵan saıyn "aǵanyń" jany kiredi. Sóıtip birtindep-birtindep, qudaı bergen akterlik sheberlikti paıdalana otyryp aǵalyq maskasyn sheship, óziniń shyn beınesin, shyn nıetin kórsete bastaıdy.

Mine, osyndaıda abaı bolý qajet!
1. Flırtti sezgen boıda ázilge salyp, betin qaıtaryp tastańyz.
2. Ymdy túsinbese, qabaǵyńyzdy shytyp, ashýlanyńyz. 
3. Odan dym shyqpasa, múldem sóılespeı qoıyńyz. Ol adam joqtaı keıip tanytyńyz.

♦"Qaryndasym" dep júrip qyryndaıtyndar kóbeıip barady

Aǵalarmen ashyq urysýǵa keńes bermeımin. Olardyń kóbisi shyǵarmashylyq adamdary, aqyn jandy ekenderi túsinikti shyǵar. Ol qaryndasyna qyryndap júrgenin ózi norma dep túsinýi múmkin. Maqsat - qıalynyń byt-shytyn shyǵarý, biraq bazardaǵy qatyndaı salǵylaspaý. Qyzdyń qaharyna ushyraǵan "aǵa" ózi-aq jym bolady. Ýaqyt ótken saıyn óz-ózinen uıalyp, qyzaryp, azap shegedi.

Jýrnalısıkaǵa endi kelgen qyzdar "aǵalarǵa" qatysty mynandaı taktıka usynýǵa keńes beremin:

1. Shaqyrǵan jerlerine barmaý;
2. Jeke dara qalmaý;
3. Qaryzǵa aqsha almaý;
4. Suramasa shaı quımaý;
5. Sebepsiz kúlmeý;
6. Ashyq-shashyq kıinbeý;
7. Kózderinshe boıanbaý.

Jazıra Baıdalynyń Instagram paraqshasynan alyndy