Búgin talaı tyńdarmannyń kóńilinen shyǵyp júrgen talantty ánshiler Raım men Artýr qazaq sáýkelesi týraly án shyǵardy. Beınebaıan jelisi de qazaqı naqyshta túsirilgen. Ánniń mátinine nazar aýdarsaq, «qazaq qyzynyń sulýlyǵyn álemdegi eshnárse almastyra almaıdy». Sondaı-aq, qazaq qyzdaryn Mánshúk pen Álıadaı batyr ápkelerden úlgi alýǵa shaqyrdy. Beınebaıanǵa Janar Aıjanova, Albına Shardarova syndy ánshilermen qatar, tanymal aktrısa ári vaıner Nagımýsha da túsken. Ánniń ekinshi bólimi orys tilinde oryndalǵan. Búginde beınebaıan Gakký arnasynan kórsetilip, ıýtýb jelisinde birneshe myńdaǵan qaralym jınap ta úlgergen.
