Almaty qalasynyń ákimi Baýyrjan Baıbek búgingi esep berý kezinde polısıa qyzmetkerleriniń jumysy men jemqorlyq týraly pikir bildirdi dep habarlaıdy Qamshy.kz aqparat agenttigi. 

"Polısıa qyzmetkerleri kóshede avtomatpen júrip, kúnde adam óltirip jatqan joq. Qazir kóshede emin-erkin júremiz. Sol tynyshtyqty kim qamtamasyz etip otyr? Biraq barlyq polısıa qyzmetkerlerin jaqsy dep  maqtaı almaımyz. Biz para alatyn polısıa qyzmetkerlerin qolǵa túsirip, zań júzinde jazalaýymyz kerek. Olardan qorqýdyń qajeti joq. Sebebi navıgator bar, bári jazylady. Sonymen birge aram jolmen aqsha tapqysy keletin polısıa qyzmetkerleri psıholog bolyp keledi. Kimniń para berip, bermeıtinin jaqsy biledi. Eger aldyna kelgen adam para bermeıtin adam bolyp, birden vıdeoǵa túsirip alsa, nan taýyp otyrǵan jumysynan aıyrylatynyn biledi. Sondyqtan qazirgi polısıa qyzmetkerleri barynsha saq bolýǵa tyrysyp júr", deıdi Baýyrjan Baıbek. 

Ákim sondaı-aq halyqty da jemqorlyqpen kúresýge shaqyrdy. 

"Adamdar polısıa qyzmetkerlerin para aldy dep synap-minep jatady. Al para alǵan polıseıdiń ústinen aryz jaz deseń, jazǵysy kelmeıdi. Jaýapkershilikti alǵysy kelmeıdi, aryz jazyp óz aıtqanyn, kórgenin dáleldegisi kelmeıdi. Birge aryz jazaıyq, birge qylmysty ashyp, dáleldeıik. Tártipti birge engizeıik. Jemqorlyq bolǵan jaǵdaıda kóptegen adamdar maǵan hat jazyp jatady. Al olarǵa men aryz jazyńyz desem, "onyń da bala-shaǵasy bar ǵoı, ol da adam balasy ǵoı", dep basyn ala qashady", deıdi ákim. 

"Taǵy da qaıtalap aıtamyn. Polıseıler parany jaı-jaı almaıdy. Zań buzǵan adam onyń qaltasyna tyǵyp, para beredi. Eger polısıa qyzmetkerleri para surap jatsa, siz vıdeoǵa túsirip, áleýmettik jelige jarıalańyz. Sizden para suraǵan polıseı birden jumystan qýylady. Jemqorlyqpen biz jalǵyz ózimiz kúrese almaımyz. Halyqtyń da kómegi qajet. Men qazir polıseılerdiń qasyna bir-bir ákimshilik qyzmetkerin qoıyp, "baqylap otyr" dep tapsyrma bere almaımyn", deıdi Baıbek. 

Usynǵan: Ásel Bolatqyzy