Almaty ákimi Baýyrjan Baıbek esep berý jıyny kezinde qala turǵyndarynyń las aýa týraly saýaldaryna jaýap berdi.

«Qaladaǵy avtoturaqtardy azaıta bastaǵan edik, basymyz daýǵa qaldy. Bireýler mashına ber deıdi, bireýler kólikti kirgizbe deıdi. Bireý tez júrgim keledi deıdi, bireý taza aýa kerek deıdi. Men qaıdan alam taza aýany? Óziń aýany lastama. Men de sol las aýamen demalyp jatyrmyn. Qazir jótelip otyrmyn, alergıam bar. Balalarym úshin de, jaqyndarym úshin de alańdaımyn. Almaty turǵyny retinde alańdaımyn», - dedi Baýyrjan Baıbek.

Onyń aıtýynsha, Almaty aýasynyń lastanýyna 70 paıyz kólikterdiń bóletin ýly gazy sebep bolyp otyr. Sondyqtan, 10 sharanyń 7-si kólik sanyn azaıtýǵa baǵyttalǵan.

«30 jolaıryq salyndy. Kólikter azaıdy ma? Kerisinshe, yńǵaıly jaǵdaı jasaǵan saıyn kólik sany kóbeıe túsedi. Qalanyń kedeı turǵyndary kólikpen júretin qala baqýat emes, kerisinshe jaǵdaıy jaqsy adamdar avtobýspen júretin qala baqýatty. Bizdiń mindet - bárin avtobýsqa otyrǵyzý», - dedi ol.

Usynǵan: Nazerke Labıhan