Shymkent qalasy Eńbekshi aýdandyq soty "ógeı balasyn uryp óltirdi" degen aıyp taǵylǵan Erbolat Joldasovty kináli dep taýyp, 8 jyl bas bostandyǵynan aıyrýdy úkim etti dep jazady Qamshy.kz aqparat agenttigi  Azattyqtyń deregin negizge alyp. 

"1996 jyly týǵan Erbolat Joldasov Qylmystyq kodekstiń 106-babymen aıypty dep tanylyp, oǵan 8 jyl bas bostandyǵynan aıyrý jazasy taǵaıyndaldy. Sottalýshy taǵylǵan aıypty tolyq moıyndap, jasaǵan qylmysyna ókinetinin aıtqan" dedi sottyń baspasóz hatshysy Qabyl Dúısenbı.

♦Shymkentte "azandy durys shaqyrmadyń", - dep 5 jastaǵy balany uryp óltirgen (foto)

Sottyń habarlaýynsha, Joldasov byltyr 5 jeltoqsanda Qarabastaý aýylyndaǵy jeke úıinde 5 jasar ógeı ulyn "quptan namazyn" durys oqymaǵany úshin uryp, densaýlyǵyna abaısyzda aýyr zıan keltirgen. Alǵan dene jaraqatynan bala 6 jeltoqsanda aýrýxanada qaıtys bolǵan.

Sottalýshy jazany qaýipsizdigi ortasha mekemede óteıdi.

Usynǵan: Ásel Bolatqyzy