16 jastaǵy qyzdarǵa ata-anasynyń ruqsatynsyz túsik jasatýǵa ruqsat berý týraly usynys kópshiliktiń talqylaýyna tústi. Mınıstrlik Halyq densaýlyǵy jáne densaýlyq saqtaý júıesi týraly kodeks jobasynyń qazirgi redaksıasynda bul usynystan bas tartty, - dep habarlaıdy Qamshy.kz aqparat agenttigi Tengrinews.kz saıtynyń deregin negizge alyp.
"16 jastaǵy jasóspirimderge medısınalyq keńes pen kómek kórsetilýi týraly norma kópshiliktiń talqylaýyna túsip, ol sońynda túsik máselesine alyp keldi. Biz túsikke jaqtasyp jatqanymyz joq, kerisinshe kerek emes júktiliktiń aldyn alý sharasyn aıtyp jatyrmyz. Sondyqtan kodeks jobasynyń redaksıasynda 16 jastaǵy jasóspirimderge medısınalyq qyzmet ruqsat berý men 18 jastan bastap ata-anasynyń jáne zańdy ókilderiniń ruqsatynsyz túsik jasaý týraly aıtyldy. 18 jasqa deıingi jasóspirimder túsikti ata-ananyń jáne zańdy ókilderiniń ruqsatymen ǵana jasaı alady", - dedi Qoǵamdyq densaýlyq saqtaý saıasaty departamentiniń dırektory Aıjan Esmaǵambetova.
2018 jyldyń kúzinde Densaýlyq saqtaý mınıstrliginiń ókilderi 16 jastaǵy qyzdarǵa túsik jasatýǵa ruqsat berý týraly usynys jasaǵan.
2017 jyly úsh jarym myń oqýshy qyzdar ana atanǵan.
"Bizdiń balalar 16 jasynda ózderine kóp jaýapkershilik alady. Olarǵa medısınalyq kómektiń kez kelgen túrin alýy qajet. Biz olardy barlyq jaǵynan qyspaqtaımyz. Sarapshylardyń aıtýynsha, olardyń tárbıesine mán bermegendikten ózine-ózi qol jumsap túsik jasatady", - dedi Eljan Birtanov usynysqa óz oıyn bildirip.
Usynǵan: Ásel Bolatqyzy
