Tanymal qazaqstandyq juldyzdardyń óner kórsetýi qansha turady? Eń qymbat baǵalanatyn otandyq 10 ártistiń tizimin “Vremá” basylymy jarıa etti.

Jarty saǵattyq óner kórsetýi úshin eń kóp aqsha alatyn ánshi – Qaırat Nurtas. Ony óz merekeńe án aıtýǵa shaqyrý 8-10 myń dollarǵa aınalady. Al Roza Rymbaeva bolsa sál azyraq suraıdy. Ánshi óneri úshin 6 myń dollar alady eken. Úzdik úshtikke Nurlan Abdýllın kirdi. Ol jan daýyspen án shyrqaǵanyna 5-6 myń dollar suraıdy.

Lýına men Dilnaz Ahmadıeva bolsa ortańǵy shepten kórindi. Lýınanyń 30 mınýttyq óneri 1 mln-ǵa, ıaǵnı 5376 dollarǵa baǵalanady.  Al Dilnaz Ahmadıevanyń suraýy sál tómenirek bolyp shyqty.  Ánshi 5 myń dollar alady.

Búrkit, “KeshYou” men Beıbit Qorǵan 4 myń dollarǵa óner kórsetýge daıyn eken. “Úrker” toby bolsa án shyrqaýyna 3 myń dollar alady.

Tizimdegi eń qoljetimdi ánshi Asqat Tarǵynov bolyp shyqty. Ol óz ónerin 2 myń dollarǵa baǵalap otyr.

Basylym tilshileri bul tek keshte ánshilerdiń óner kórsetýi úshin usynylǵan baǵalar ekenin atap ótti. Olardy ózge qalaǵa shaqyrý úshin qosymsha jol shyǵynyn ótek qajet.