Osydan 70 jyl buryn, ekinshi dúnıejúzilik soǵys jyldary sovet tankileri Berlınge deıin jetken bolatyn. Al sý jańa reseılik "Armata" tankileri qarapaıym parad kezinde Qyzyl alańnan júrip óte almady, dep jazady Ulybrıtanıanyń The Cuardian basylymy. Búgin Máskeýdiń Qyzyl alańynda 9 mamyr jeńis kúnine arnalǵan áskerı paradqa daıyndyq barysynda sý jańa qurastyrylǵan T-14 "Armata" tankisi buzylyp qalǵan bolatyn. Alǵashqyda  uıymdastyrý komıteti muny jospar boıynsha toqtatyldy dep aqtalǵanymen, keıin belgili bolǵandaı áskerıler buzylǵan tankilerdi  ornynan qozǵalta almaǵan. Osylaısha, tankiler bir kún boıy, repıtısıa alańynda turǵan.  Daıyndyq jumystary aıaqtalǵannan soń, tankilerdi qurastyrýshy "Ýralvagonzavod" qyzmetkerleri kelip, arnaıy kóliktiń kómegimen alyp ketken. Esterińizge sala keteıik, erteń RF prezıdenti Vladımır Pýtın Máskeýdegi Qyzyl alańda Qazaqstan, Belorýsıa, Qytaı jáne t.b. memleket basshylarymen birge jeńistiń 70 jyldyǵyna arnalǵan áskerı paradty qabyldap alady. Al RF Syrtqy ister mınıstrligi batys jýrnalıserin atalmysh keleńsizdikten saıası astar izdedi dep synǵa alǵan.