Búgin Reseı Federasıasy Prezıdenti V. Pýtın QR premer-mınıstriniń birinshi orynbasary Berdibek Saparbaevty "Dostyq" ordenimen marapattady.
RF Prezıdenti búgin RF men aradaǵy dostyqty nyǵaıtýǵa qosqan eleýli eńbegi, ekonomıkalyq jáne mádenı baılanystardy arttyrýdaǵy atqarǵan jumystary úshin birqatar shet eldik saıasatkerlerdi, jýrnalıser men qoǵam qaıratkerleri marapattaý týraly sheshim shyǵardy, dep habarlaıdy "Rossııskaıa gazeta" basylymy.
"Dostyq" ordeni men "Pýshkın" medali 10 eldiń azamattaryna berilgen: Qazaqstan, Fransıa, Belorýsıa, Iran, Rýmynıa, Ázirbaıjan, Bolgarıa, Slovenıa, Latvıa jáne Ózbekstan.
RF Prezıdenti jarlyǵymen "Dostyq" ordeni QR premer-mınıstriniń orynbasary Berdibek Saparbaevqa, "Mádenıet arqyly Beıbitshilikke" assosasıasynyń prezıdenti Tólegen Muhamedjanovqa,Slevensk qalasynyń meri Marıbor Andreıge, Rýmynıa Ardagerler birlestiginiń tóraǵasy Marına Dragnbǵa jáne Iran-Reseı saýda palatasynyń basshysy Assdolý Asgaroládı myrzalarǵa tabys etildi.
SHQO eks-ákimi Berdibek Mashbekuly 2010 jyly Shyǵys Qazaqstan oblysy men Altaı aımaǵy arasynda saýda-ekonomıkalyq, ǵylymı-tehnıkalyq baılanystardy arttyrýǵa úlken úles qosqan bolatyn. Sodan beri aımaqtar ózara saýda, ekonomıkalyq, ınovasıalyq, aýyl sharýashylyq, tabıǵı resýrstar, mádenıet jáne sport salasynda yntymaqtasyp keledi.
Qazaqstan Altaı aımaǵy boıynsha eń iri ınvestor bolyp tabylady. Tek 2014 jyly eki aımaq arasyndaǵy saýda aınalymy 463 mıllıon AQSH dolaryn quraǵan.
Nurzat Toǵjan
