Qyrǵyzstandyq qus fabrıkasy dırektorynyń aıtýynsha, taýyq jumyrtqasyn qoldan jasaý múmkin emes.
"Ystyqkól qus fabrıkasy" JSHS dırektory Stalbek Mámbetalıev Memlekettik veterınarlyq jáne fıtosanıtarlyq qaýipsizdik ınspeksıasynyń mamandaryna "rezeńke" jumyrtqalar qalaı paıda bolatynyn kórsetti, dep habarlady Qamshy.kz aqparat agenttigi Sputnik Qyrǵyzstan saıtyna silteme jasap.
"Qatty tońazytylǵan jumyrtqalar pisirgennen keıin osylaı bez sekildi bolyp qalady. Taýyq jumyrtqasyn qoldan jasaý múmkin emes", - dedi qus fabrıkasynyń dırektory.
Mámbetalıev mamandardyń kóz aldynda birneshe jumyrtqany pisirip, arshyp kórsetti, olardyń arasynda buryn muzdatqyshqa qoıylǵandary da boldy. Osylaısha ol qytaılyq jasandy jumyrtqa týraly málimdegen Osh turǵynynyń sózin joqqa shyǵaryp otyr.
Buǵan deıin qytaılyq plasıkalyq jumyrtqa Qazaqstanǵa da jetkeni jaıly vıdeo taraǵan bolatyn.
"Olar ústelde "vanka-vstankı" sekildi bıleıdi. Arnaıy jaryp kórdik, ishi tolǵan gel. Jumyrtqaǵa mór basylǵan. Qaınatqan kezde aǵarady. Satyp alǵanda saq bolyńyzdar", - deıdi kadr syrtyndaǵy adam.
Usynǵan: Nazerke Labıhan
Pikir qaldyrý