AQSH-ta jasamaǵan qylmysy úshin 40 jyldaı túrmede otyrǵan azamatqa bılik 21 mıllıon dollar ótemaqy tóleıdi. 1978 jyly qurbysy men tórt jasar ulyn óltirdi dep aıyptalyp, 2017 jylǵa deıin abaqtyda otyrǵanKreıg Kolıdiń shaǵymyn sot qanaǵattandyrǵan. Bul týraly Sımı-Vellı qalasynyń bıligi 24 aqpanda habarlady, dep jazady Qamshy.kz aqparat agenttigi Azattyq radıosyna silteme jasap.

71 jastaǵy Kreıg Kolı túrmeden 2017 jyly sol kezdegi gýbernator Djerrı Braýnnyń raqymshylyǵynan soń bosap shyqqan. Gýbernator sózinshe, DNK izderi men isti qaıta qaraý Kolıdiń kinásiz ekenin dáleldegen.

"Qansha qarajat bolsa da, Kolıdiń ótkergenin ótep bere almaıdy. Bul istiń osylaı sheshilýi Kolıge de, qoǵamǵa da durys" dep jazylǵan qala bıligi taratqan málimdemede.

Sımı-Vellı qalasy Kolıge 4,9 mıllıon dollar ótep beredi. Kalıfornıa shtatynyń bıligi 2018 jyly Kolıge 2 mıllıon dollarǵa jýyq ótemaqy tóleýdi sheshken.

Kreıg Kolı aıyptalyp, ustalǵan kezde sotty bolmaǵan. Tergeýshiler bul is boıynsha kýágerdiń jalǵan túsinik bergenin anyqtaǵan.

Usynǵan: Nazerke Labıhan