Qazaqstan Respýblıkasy Prezıdentiniń memlekettik basqarý júıesin odan ári jetildirý jónindegi sharalar týraly Jarlyǵy shyqty. Bul týraly Qamshy.kz aqparat agenttigi Aqordanyń baspasóz qyzmetine silteme jasap habarlaıdy.

Qazaqstan Respýblıkasy Konstıtýsıasynyń 44-babynyń 3) tarmaqshasyna sáıkes memlekettik basqarý júıesin jańǵyrtý jáne tıimdiligin arttyrý maqsatynda QAÝLY ETEMİN:

1. Mynalar:

1) Qazaqstan Respýblıkasynyń Qoǵamdyq damý mınıstrligi, oǵan   Qazaqstan Respýblıkasynyń Aqparat jáne komýnıkasıalar mınıstrliginen aqparat salasyndaǵy fýnksıalary men ókilettikteri berile otyryp, ony Qazaqstan Respýblıkasynyń Aqparat jáne qoǵamdyq damý mınıstrligine qaıta qurý jolymen;

2) Qazaqstan Respýblıkasynyń Qorǵanys jáne aeroǵarysh ónerkásibi mınıstrligi, oǵan Qazaqstan Respýblıkasynyń Aqparat jáne komýnıkasıalar mınıstrliginen baılanys, aqparattandyrý, «elektrondyq úkimet», memlekettik qyzmetterdi kórsetý salasyndaǵy memlekettik saıasatty damytý salasyndaǵy fýnksıalary men ókilettikteri berile otyryp, Qazaqstan Respýblıkasynyń Sıfrlyq damý, qorǵanys jáne aeroǵarysh ónerkásibi mınıstrligine qaıta qurý jolymen qaıta uıymdastyrylsyn.

2. Qazaqstan Respýblıkasynyń Aqparat jáne komýnıkasıalar mınıstrligi taratylsyn.

3. Qaıta uıymdastyrylatyn memlekettik organdar, beriletin fýnksıalar men ókilettikterge sáıkes, taratylatyn jáne qaıta uıymdastyrylatyn memlekettik organdardyń quqyqtary men mindettemeleriniń quqyqtyq mırasqorlary bolyp belgilensin.

4. Qazaqstan Respýblıkasynyń Úkimeti:

1) Qazaqstan Respýblıkasynyń Prezıdenti Ákimshiligimen kelisý boıynsha qaıta uıymdastyrylatyn jáne taratylatyn memlekettik organdar men olarǵa vedimistik baǵynysty uıymdardyń  shtat sanyn qaıta bólýdi;

2) osy Jarlyqty iske asyrý boıynsha ózge de sharalardyń qabyldanýyn qamtamasyz etsin.

5. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı ózgerister engizilsin:

1-tarmaqta:

myna:

«Qazaqstan Respýblıkasynyń Qorǵanys jáne aeroǵarysh ónerkásibi mınıstrligi;

Qazaqstan Respýblıkasynyń Qoǵamdyq damý mınıstrligi;»

degen joldar mynadaı redaksıada jazylsyn: «Qazaqstan Respýblıkasynyń Sıfrlyq damý, qorǵanys jáne aeroǵarysh ónerkásibi mınıstrligi;

Qazaqstan Respýblıkasynyń Aqparat jáne qoǵamdyq damý mınıstrligi;»;

«Qazaqstan Respýblıkasynyń Aqparat jáne komýnıkasıalar mınıstrligi» degen jol alyp tastalsyn.

6. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

7. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti                                                                              N. Nazarbaev

Astana, Aqorda, 2019 jylǵy 25 aqpan

                №848