Memleket basshysy Nursultan Nazarbaev Ulttyq bank tóraǵasy bolǵan Danıar Aqyshevtiń otstavkasyn qabyldady, dep habarlaıdy Qamshy.kz aqparat agenttigi.

Senat otyrysynda depýtattar Ulttyq bank tóraǵalyǵyna Erbolat Dosaevtyń úmitkerligin qoldaǵan edi.

«Memleket basshysynyń tapsyrmasymen Ulttyq bank tóraǵalyǵyna úmitkerdi usynbaqpyn. Nursultan Nazarbaev bul orynǵa Erbolat Dosaevty laıyq dep sanaıdy. Ol qyzmeti ýaqytynda ózin bilikti qarjyger retinde kórsete aldy. Onyń taǵaıyndalýyna kelisimderińizdi berýlerińizdi suraımyn», - dedi Prezıdent ákimshiliginiń tóraǵasy Áset Isekeshev.

Aıta keteıik, Erbolat Dosaev 1970 jyldyń 21 mamyrynda Almaty qalasynda dúnıege keldi.

Ári qaraı:

• 1997 j. - «Turan Álem Banki» JAQ Basqarma Tóraǵasynyń orynbasary, «ATF Bank» JAQ Basqarma Tóraǵasy;
• 1998 j. - Qazaqstan Respýblıkasy Premer-Mınıstri keńesshisi;
• 1998 j. – Qazaqstan Respýblıkasy Energetıka, ındýstrıa jáne saýda vıse-mınıstri;
• 2000 j. – Qazaqstan Respýblıkasy Qarjy vıse-mınıstri;
• 2001 j. – Qazaqstan Damý banki Dırektorlar Keńesiniń Tóraǵasy;
• 2001-2003 jj. - Qazaqstan Respýblıkasy Tabıǵı monopolıalar, básekelestikti qorǵaý jáne shaǵyn bıznesti qoldaý agenttiginiń Tóraǵasy;
• 2003 - 2004 jj. - Qazaqstan Respýblıkasynyń Qarjy mınıstri; Qazaqstandaǵy Eýropalyq qaıta qurý jáne damý bankiniń basqarýshysy; Qazaqstan Respýblıkasy Ulttyq Bankiniń Basqarma múshesi;
• 2004 - 2006 jj. - Qazaqstan Respýblıkasynyń Densaýlyq saqtaý mınıstri;
• 2006 - 2012 jj. «Qazınvestbank» AQ Dırektorlar Keńesiniń Tóraǵasy;
• 2012 jylǵy 25 qyrkúıekten Qazaqstan Respýblıkasynyń Ekonomıkalyq damý jáne saýda mınıstri.
• 2013 jylǵy 16 qańtardan Qazaqstan Respýblıkasynyń Ekonomıka jáne búdjettik josparlaý mınıstri.
• 2014 jylǵy 6 tamyzy - 2016 jylǵy 5 mamyr aralyǵynda -Qazaqstan Respýblıkasynyń Prezıdentiniń Jarlyǵymen (№ 880) Qazaqstan Respýblıkasynyń Ulttyq ekonomıka mınıstri bolyp taǵaıyndaldy.
• 2016 jylǵy 16 mamyrdan - «Báıterek»Ulttyq basqarýshy holdıńi basqarmasynyń tóraǵasy bolyp taǵaıyndaldy.

Al Danıar Aqyshev 2007 jyldyń tamyzynan búginge deıin Ulttyq bank tóraǵasy boldy.

Usynǵan: Gúlim Jaqan