Búgin Májilistiń Áleýmettik-mádenı damý komıtetiniń otyrysynda Premer-Mınıstrdiń orynbasary laýazymyna Gúlshara Ábdiqalyqovanyń kandıdatýrasy kelisildi, dep habarlaıdy Qamshy.kz aqparat agenttigi.

Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsıalyq zańynyń 22-1-babyna sáıkes Komıtet otyrysynda qaraldy.

Qazaqstan Premer-Mınıstriniń atynan kandıdatýrany Premer-Mınıstr Keńsesiniń Basshysy Nurlan Aldabergenov tanystyryp, G. Ábdiqalyqovanyń mol tájirıbesi men joǵary kásibıligin atap ótti. 

Talqylaýdan keıin Ábdiqalyqova Gúlshara Naýshaqyzynyń kandıdatýrasyn Qazaqstan Respýblıkasy Premer-mınıstriniń orynbasary laýazymyna taǵaıyndaý úshin usynýǵa bolady dep esepteıdi.

Otyrys sońynda depýtattar kandıdattyń aldaǵy jumysyna sáttilik tiledi.