Muǵalimniń aılyǵy keminde 300 myń teńge bolýy kerek. Mundaı pikirdi keshe  Bilim jáne ǵylym qyzmetkerleri kásipodaǵy tóraǵasynyń orynbasary Aıgúl Muqasheva aıtty, dep jazady Qamshy.kz aqparat agenttigi.

Muqasheva tipti "muǵalimderdiń aılyǵyn qalaı ósirse bolady?" degen suraqqa da jaýap izdep kóripti. 

 «Pedagogtardyń aılyq aqysyn esepteý úshin paıdalanylatyn bazalyq ındıkator - bazalyq laýazymdyq jalaqyny (BLJ) kúnkóris mınımýmyna aýystyrýdy usynamyz. Eger mundaı ózgeris engiziletin bolsa, bizdiń pedagogtardyń aılyǵy eki esege artatyn edi», - deıdi Aıgúl Muqasheva qazaqstandyq bilim jáne ǵylym qyzmetkerleri kásipodaǵynyń uıymdastyrýymen Astanada ótken dóńgelek ústelde.

Búgingi tańda muǵalimderdiń eńbekaqysy ortasha eseppen 102 myń teńge.

«Bizdiń oıymyzsha, bizdiń muǵalimderdiń aılyǵy 300 myń teńgeden kem bolmaýy kerek. Eger osylaı ete alsaq, muǵalim mamandyǵyna jastar barar edi. Sebebi, qazirgi ýaqytta muǵalimniń aılyǵy az bolǵandyqtan, jas býynnyń mektepke jumysqa barǵysy kelmeıtini eshkimge qupıa emes. Al bizge mektepte dál qazir kreatıvti baǵdarlamalarmen jumys isteı alatyn oıly jastar kerek. Eger muǵalimge jaqsy aılyq bere bilsek, ol baryn salyp, janyn salyp jumys atqaratyn bolady. Biraq, qazirdiń ózinde tómen aılyqqa qaramastan, bizdiń muǵalimder óte jaqsy nátıjemen jumys atqarýda», - deıdi ol.

Usynǵan: Gúlim Jaqan