Qalanyń ortalyq alańynda kıiz úıler qalashyǵy boı kóterip, kósheler merekege saı bezendirilmek. Sonymen qatar saýda ortalyqtarynda merekelik jeńildikter uıymdastyrý kózdelip otyr.

Bul jóninde Óskemenniń ákimi Jaqsylyq Omar Ulystyń uly kúnin atap ótýge arnalǵan keńeste aıtty.

Qala ortalyǵynda kıiz úıler qalashyǵy boı kóterip, onda 20-21 naýryzda arnaıy sharalar ótkizilip, 22 naýryz kúni jalpyhalyqtyq merekeleýge ulasady dep josparlanýda. Meıramnyń negizgi kúninde ortalyq alańda Uly dalanyń 7 qyryn ashyp kórsetetin 7 kıiz úı qurylady. Atap óterligi, kıiz úılerdiń barlyǵy esikterin aıqara ashyp, etnografıalyq kórme formatynda jumys isteıtin bolady.

Qala basshysy keńeske qatysqan kásipkerlerdi óz nysandaryna merekelik bezendirý júrgizip, Naýryz meıramyna oraı jeńildikter jasaýǵa shaqyrdy.

Bıznes qurylymdaryn yntalandyrý maqsatynda qalalyq ákimdik úzdik merekelik bezendirilgen nysandardyń arasynda baıqaý jarıalamaq.