AQSH-tyń Bilim departamentiniń ókilderi 11 jastaǵy qazaqstandyq Sofı Manasándy daryndy dep tanydy. Oǵan Gifted (daryndy) tańbasy bar hat kelip túsken, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Anasy Olga Manasánnyń aıtýy boıynsha, qyzy aǵylshyn tilin úzbeı oqyǵan eken. Oǵan qosa akademıalyq jetistikteri men mektep sabaqtary boıynsha baǵalary joǵary bolǵan. Birneshe aı buryn ol Los-Andjeleste mektep okýrýginiń arnaıy komısıasynyń ókilderinen birneshe kezeńnen turatyn tyńdaýdan ótken. Qazirgi ýaqytta Sofı AQSH-tyń bilim bazasyna enip, ol jaqta Gifted (daryndy) belgisimen stýdent retinde tirkelgen. "Jańa dáreje oǵan arnaıy baǵdarlama boıynsha oqýǵa múmkindik beredi. Ol jaqta Sofı óziniń ónerge degen darynyn odan ári damyta alady. Oǵan qosa ol arnaıy memlekettik baǵdarlamalarǵa arnalǵan granttyń ıesi bolýy múmkin. Granttar daryndy balalarǵa arnalǵan. Aldaǵy ýaqytta bizdiń mamandandyrylǵan JOO-ǵa túsýge de múmkindigimiz bolady", - dedi Sofıdyń anasy. 

Sońǵy eki jyl boıy almatylyq qyz Amerıkada turady. Osy ýaqytqa deıin Sofı Manasán aǵylshyn tilin jetik meńgerip alǵan. Sondaı-aq, akademıalyq jetistikterge jetken. Bul jetistikter jas qyzǵa Gifted dárejesin alýǵa jáne jalpy tyńdaýdan ótýge kómegin tıgizdi. Sofı AQSH-tyń azamaty bolmaı-aq jáne oǵan aǵylshyn tili ana tili bolmasa da tabysqa jete bildi. Sofı Manasán halyqaralyq bı konkýrstaryna qatysyp, tanymal boldy. Ol nebári alty jasynda avstrıalyq "Mınýta slavy" shoýyna da qatysqan. Tórt jasynda Sofı "Álemniń kishkentaı hanshaıymy - 2012" baıqaýynyń vıse-arýy ataǵyn jeńip alǵan. 
Usynǵan: Maqpal Sembaı