Úkimet basshysy Asqar Mamın QR Premer-Mınıstri Keńsesiniń jańa basshysy qyzmetine Darhan Káletaevtiń taǵaıyndalǵanyn habarlady, dep jazady Qamshy.kz aqparat agenttigi primeminister.kz saıtyna silteme jasap.

D. Káletaev 1972 jyly Shyǵys Qazaqstan oblysynda dúnıege kelgen. Shyǵys Qazaqstan memlekettik ýnıversıtetin, Memlekettik basqarý ulttyq joǵary mektebin támamdaǵan.

Eńbek jolyn 1995 jyly bastaǵan. QR Prezıdenti Ákimshiliginiń, bilim jáne mádenıet, aqparat jáne qoǵamdyq kelisim mınıstrlikteriniń qurylymynda jumys istegen.

2007–2008 jyldary — Prezıdent Ákimshiligi basshysynyń orynbasary, 2008–2009 jyldary — «Nur Otan» HDP Tóraǵasynyń birinshi orynbasary, 2009–2016 jyldary — «Samuryq-Qazyna» ulttyq ál-aýqat qory» AQ basqarýshy dırektory qyzmetterin atqarǵan. 2016 jyldyń qazan aıynda QR Prezıdentiniń Jarlyǵymen QR Parlamenti Senatynyń depýtaty bolyp taǵaıyndaldy. 2017 jyldyń qyrkúıeginen bastap — QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń múshesi boldy.

2018 jylǵy sáýirden bastap QR qoǵamdyq damý mınıstri qyzmetin atqarǵan.

Usynǵan: Nazerke Labıhan