Rıdder qalasyndaǵy zorlyq kórgen qyzdyń anasy qylmyskerdi bas bostandyǵynan aıyrmaýdy surady dep jazady Qamshy.kz aqparat agenttigi tengrinews.kz saıtynyń deregin negizge alyp. Ananyń bul sheshimi sot pen sotqa qatysýshylardy tańǵaldyrmaı qoımady. Bul týraly oblystyq sottyń qylmystyq ister jónindegi sot alqasynyń tóraǵasy Qaırat Chakpantaev habarlady. 

Aıyptalýshyǵa hımıalyq kastrasıa jasalyp, 15 jylǵa bas bostandyǵynan aıyrý jazasy taǵaıyndalǵan. Qylmysker qyzdyń ákesi bolyp shyqty. Tergeý jumystarynyń nátıjesinde qyzdyń birneshe ret zorlanǵany anyqtaldy. Sondaı-aq, qyz qatty qorqyp qalǵan. Sol sebepti oqıǵanyń mán-jaıyn biraz ýaqyt ótkennen keıin aıtyp beripti.

"Qylmyskerdiń kinási tolyq dáleldendi. Qylmystyq is jabyq túrde ótkendikten biz barlyq aqparatty aıta almaımyz", -  dedi  Chakpantaev. 

Alaıda alǵashynda polısıaǵa aryzdanǵan qyzdyń anasy sottyń qatal sheshim shyǵarǵanyn aıtypty. 

"Anasy sottan qylmyskerdiń jazasyn jeńildetýdi, sottamaýdy surady. Biz tańǵaldyq. Mundaı oqıǵa ekinshi ret qaıtalanyp tur. Zorlyq kórgen qyzdyń anasy "olar ótemaqysyn tóledi, endi bosatyńyzdar", deıdi. Bul týǵan qyzyn aqshaǵa aıyrbastaý ǵoı. Biraq sottyń sheshimi óz kúshinde qalady", dedi sot alqasynyń tóraǵasy. 

Aýdarǵan: Ásel Bolatqyzy