Az qamtylǵan otbasylardyń kirisin sanaý kezinde járdemaqynyń 4 túri eseptelmeıtin bolady. Bul týraly Prezıdent tapsyrma bergen dep jazady Qamshy.kz aqparat agenttigi Astana arnasynyń deregin negizge ala otyryp. Májilistiń plenarlyq otyrysynda muny Eńbek jáne halyqty áleýmettik qorǵaý mınıstriniń orynbasary Svetalana Jaqypova aıtty.   

"Prezıdenttiń tapsyrmasymen osy másele qaralyp jatyr. Járdemaqynyń 4 túri eseptelmeýi múmkin. Ol - kópbalaly otbasylarǵa, «Altyn» jáne «Kúmis alqa» ıegerlerine beriletin memlekettik járdemaqy jáne múgedek balaǵa qarastyrylǵan tólem. Jáne shárkirtaqy da kiriske jatpaıtyn bolady. Sáýirden bastap 832 myń kópbalaly jáne az qamtylǵan azamattarǵa beriletin járdemaqy úshin bıyl búdjetten 94 mlrd teńge qarastyrylǵan. Tólemdi kúnkórisi qıyn otbasylar alady. Vıse-mınıstr azamattar memlekettik járdemaqyǵa ıek artyp, masyldyqqa jol bermeıdi dep sanaıdy. Degenmen, olaı bolsa, jumysqa qabiletti azamattyń otbasy ataýly áleýmettik kómek ala almaıdy. Olar usynylǵan jumystan birinshi ret bas tartsa, tólemniń 50 paıyzynan, al ekinshi ret járdemaqydan múlde qaǵylady. Biraq, ár balaǵa beriletin járdemaqy tólene beredi. Eger jalǵyzbasty ana 4 bala ózi baǵyp otyrsa, balalary 20 789 teńgeden alady. Ózi balaǵa kútim jasap otyr ǵoı, ol anaǵa da 20 789 teńge tólenedi. Jalǵyzbasty ana bir balamen otyrsa, ekeýine de 20 789 teńgeden tólenedi", - deıdi Svetlana Jaqypova. 

Usynǵan: Ásel Bolatqyzy