Qalanyń ortalyq alańynda úsh kún boıy kıiz úıler qurylyp turady. Ókemendikter kıiz úılerdi erkin aralap, ishindegi buıymdarmen tanysa alady. Shaǵyn qazaq aýylynda altybaqandar ornatylyp, salt-dástúrlerdi dáripteýge arnalǵan sharalar ótkiziledi.

Birinshi kún «Dástúr kúni» dep atalap, bul kúni ulttyq salt-dástúrler men ádet-ǵuryptardyń kórinisteri bar sharalar uıymdastyrylady.

Ekinshi kún «Kelisim kúni» atalyp, Qazaqstandy mekendeıtin etnostardyń mádenıetinen syr shertetin sharalar ótedi.

Úshinshi kún, ıaǵnı «Ulystyń uly kúni» Naýryz meıramynyń mán-maǵynasyn barynsha ashýǵa arnalady.

Úsh kún boıy ortalyq alańda jeti qazynany quraıtyn jylqy, tazy ıt, qyran búrkitpen sýretke túsýge bolady. Balalar men jastar úshin altybaqandar qurylady.

Óskemen qalasynyń ákimi Jaqsylyq Omar Ulystyń uly kúnin atap ótý boıynsha arnaıy keńes ótkizip, is-sharalardy joǵary deńgeıde uıymdastyrýdy tapsyrdy.

Meıramnyń negizgi kúninde ortalyq alańda Elbasynyń maqalasyna saı, Uly dalanyń 7 qyryn ashyp kórsetetin 7 kıiz úı qurylady. Atap óterligi, kıiz úılerdiń barlyǵy esikterin aıqara ashyp, etnografıalyq kórme formatynda jumys isteıtin bolady.

Qala basshysy keńeske qatysqan kásipkerlerdi óz nysandaryna merekelik bezendirý júrgizip, Naýryz meıramyna oraı jeńildikter jasaýǵa shaqyrdy.

Bıznes qurylymdaryn yntalandyrý maqsatynda qalalyq ákimdik úzdik merekelik bezendirilgen nysandardyń arasynda baıqaý jarıalanyp otyr.