Qazaqstanda jemqorlyq jasaǵandardyń tizimi jarıalanýy tıis. Bul týraly Qamshy.kz aqparat agenttigi habarlaıdy  «Transparency Kazakhstan» birlestigine silteme jasaı otyryp.

Elbasy N.Á.Nazarbaev  elimizdegi  jemqorlyqty boldyrmaý men onyń aldyn alý, jemqorlarmen jalpy jurtshylyq bolyp aıaýsyz kúresý jaıly tapsyrmalaryn  júzege   asyrý   maqsatynda   bastama kótergen bolatyn. Sybaılas   jemqorlyq el ekonomıkasynyń kóterilýine   úlken  kedergi  keltirip  otyrǵan qoǵamymyzdyń eń basty  qaýip – qaterleriniń biri bolyp tabylatyndyǵyn aıtqan. Osyǵan sáıkes «Jemqorlyqqa qarsy kúres» máselelerimen aınalysatyn birlestik músheleri Qazaqstan prezıdentine jemqorlardyń ashyq tizimin jasaýdy usynyp otyr. «Transparency Kazakhstan» qoǵamdyq qory: «Qazirgi ýaqytta prezıdent ákimshiligi usynystyń tehnıkalyq máselelerin qarastyryp jatyr», – dep málimdedi. Birlestiktiń oıynsha, «jemqorlar» tizimge engen qyzmetkerler ekinshi márte paraqorlyqqa barmaıdy.

Atalǵan usynystan bólek, memlekettik qyzmet isteri agenttigi Qazaqstanda para alyp sottalǵandardyń tizimin jasaıtynyn aıtqan. Agenttik qoǵam músheleriniń usynysyn maqul kórip, azamattar tarapynan da baqylaýdy kúsheıtý úshin tizim jasaý týraly saýal tastady. 

Usynǵan: Farıza Jomartqyzy