Bul týraly «Nur Otan» partıasy Tóraǵasynyń Birinshi orynbasary partıanyń Ortalyq apparatynda ótken jıynda aıtty. Jıyn barysynda partıanyń kezekti XVIII sezinde qabyldanǵan jańa baǵdarlamasy men Elbasynyń bergen tapsyrmalaryn iske asyrý máseleleri talqylanǵan bolatyn.

Óz sózinde Máýlen Áshimbaev sıeze Memleket basshysy anyqtap bergen áleýmettik jobalar týraly aıtyp, olardyń partıanyń aldaǵy ýaqyttaǵy jumysynyń negizgi baǵyty bolatynyn jetkizdi.

– Bul bastamalardy ulttyq jobalar desek te, artyq emes. Sebebi, atalǵan jobalar az qamtylǵan, kóp balaly otbasylarǵa kómek kórsetý, aýyldyq jerlerdi kórkeıtý, óńirlerdi damytý sıaqty ózekti áleýmettik máselelerdi qamtıdy. Sondyqtan partıanyń Ortalyq, aımaqtyq jáne aýmaqtyq qurylymdary osy jobalardy tıimdi júzege asyrýǵa kúsh jumsaýy tıis, – dedi Máýlen Áshimbaev.

Qazirgi tańda Elbasynyń bastamasymen qolǵa alynǵan «Baqytty otbasy» jobasy Almaty qalasynda nátıjeli júzege asyrylýda. Sol arqyly qalada az qamtylǵan otbasylarǵa qoldaý kórsetý sharalary júıeli túrde júrgizilip keledi. Máýlen Áshimbaev ózge óńirlerdiń de osy tájirıbeni eskerip, atalǵan saladaǵy jumystardy «Baqytty otbasy» jobasy aıasynda iske asyrý kerektigin aıtty.

Kelesi «Qutty meken» jobasy aıasynda ınjenerlik ınfraqurlymdy damytý baǵytyndaǵy ıgi ister júzege asyrylsa, «Aýyl – el besigi» jobasy arqyly aýyldyq jerlerde jumys oryndaryn ashyp, bızneske qolaıly jaǵdaı jasap, densaýlyq saqtaý, bilim berý isin jetildirip, áleýmettik ınfraqurylymdy damytý jumystary júrgiziledi.

Taǵy bir mańyzdy bastama «Halyqqa kómek» jobasy arqyly partıa qazaqstandyqtardyń kúndelikti ómirindegi ózekti máselelerdi oń sheshýge yqpal etýdi kózdep otyr. Qazirdiń ózinde partıanyń qoǵamdyq qabyldaý bólmeleri Biryńǵaı áleýmettik tereze júıesinde jumys isteýde. Joba aıasynda turaqty monıtorıń júrgizilip, qoǵamdaǵy ózekti máselelerdiń oń sheshilýine de jaǵdaı jasalady.

Sóz sońynda partıa Tóraǵasynyń Birinshi orynbasary «Nur Otan»-nyń halyq pen bılikti baılanystyratyn altyn kópir bolý kerektigine kóńil bóldi.

– Qazirgi tańda «Nur Otan» halyqtyń múddesin qorǵaıtyn jáne Elbasynyń barlyq tapsyrmalarynyń oryndalý barysyna baqylaý júrgizetin negizgi ınstıtýt bolyp tabylady. Sıezen keıin partıanyń el damýyndaǵy róli odan ári arta tústi. Elbasy bizge aýqymdy mindetter júktep otyr. Halyqtyń da sıeze aıtylǵan sharalardan úlken úmit kútetini belgili. Sondyqtan partıa jańa qarqynmen, erekshe ekpinmen jumys isteýi kerek. Partıa Úkimetpen, bıznes qaýymdastyqpen, úkimettik emes uıymdarmen kúsh biriktirip, Elbasy tapsyrmalaryn oryndaýda úılestirýshi ról atqarýy tıis, – dedi Máýlen Áshimbaev.