Tikeleı efırde beıbit turǵyndarǵa oq atqan terrorıst qolǵa tústi, dep jazady Qamshy.kz aqparat agenttigi Mk.ru saıtynyń deregine súıenip.

Shabýyl jasar aldynda Brenton Tarrant óziniń áleýmettik jelidegi paraqshasynda qolyndaǵy qarý men oq-dárilerin kórsetip jazba jarıalaǵan. Onyń qolynda vıntovkanyń oq-dárileri bolypty. Al kóliginiń aldyńǵy oryndyǵynda tolyq bir arsenal qarý bolǵan. Sondaı-aq, qylmysker ózimen birge benzın alyp kelip, meshitti órteýdi josparlapty. Alaıda jasyrynýǵa asyqqan ol bul oıyn iske asyra almady.

Ol jaıaý júrginshilerdi óltirip, keıinnen kólikte ketip bara jatqan adamdarǵa oq atqan. Qaıtadan kóligine kelip, qarýyn oqtap alyp, qaıtadan meshitke kirip, jaraqattanǵan adamdardy atyp óltirgen. Meshitten shyǵyp, joǵary jyldamdyqta kóligin aıdap oqıǵa ornynan dereý izin sýytqan.

Derekterge kórsetilgendeı, turǵyndarǵa oq jaýdyrǵan terrorıst Jańa Zelandıa azamaty Brenton Tarrant eken. Onyń ústinen dereý qylmystyq is qozǵalyp, 16 naýryzǵa soty belgilendi.

Sońǵy derekterge sáıkes, Jańa Zelandıada meshitte qaza tapqandardyń sany 49-ǵa jetti.

Esterińizge sala keteıik, búgin Jańa Zelandıanyń Kraıscherch qalasyndaǵy meshitte belgisiz bireý turǵyndarǵa shabýyl jasap, birshama adamdardy óltirgen. Onymen qoımaı, 17 mınýtqa sozylǵan atysty qylmysker tikeleı efırge túsirip otyrǵan. Keıinnen polısıanyń talaby boıynsha ol vıdeolar jeliden óshirilip tastaldy.

Aıta keteıik, 28 jastaǵy Brenton Tarrant Jańa Zelandıaǵa Avstralıadan kóship kelipti. Qylmysker oq atqan qarýda ıslam-fobıalyq men antımıgranttyq jazýlar bolǵan. Qarýǵa ol jazýlar aq túspen jazylypty. Qandy oqıǵadan keıin qylmysker óz isin terrakt dep atady.

Usynǵan: Nazerke Labıhan