Almaty oblysynda jantúrshigerlik jol apaty oryn aldy. Toyota Corolla kóligi joldyń qarama-qarsy betine shyǵyp ketken kóliktiń kesirinen aýdarylyp qalǵan dep habarlaıdy Qamshy.kz aqparat agenttigi zakon.kz saıtyna silteme jasaı otyryp. 

 Toyota Corolla júrgizýshisiniń sózinshe, ol İle traktimen Pokrovka aýlynyń mańynda soltústik baǵytta kele jatqan. Alaıda, onyń aldynan kenetten joldyń qarama-qarsy betine ótip ketken kólik shyǵa keledi.

 Toyota tizginindegi boıjetken soqtyǵysýdy boldyrmas úshin kóligin joldyń shetine qaraı buryn jibergen. Nátıjesinde temir tulpar jol belgisine soǵylyp, artynan Audi kóligin syryp óte aýdarylyp qalǵan.

 Anyqtalǵandaı, bul sátte jolaýshy ornynda kishkentaı bala otyrǵan. Toyota Corolla júrgizýshisi men balaqaı birden aýrýhanaǵa jetkizilgen. Abyroı bolǵanda ekeýiniń jaraqaty asa aýyr bolmaǵan. Alaıda, olar áli de meń-zeń kúıinde ekeni belgili boldy.

Joldyń qarama-qarsy betine shyǵyp, apatty jaǵdaı týdyrǵan kólik júrgizýshisi birden oqıǵa ornynan izin sýytqan.

 Usynǵan: Farıza Jomartqyzy