Aýyl sharýashylyǵy mınıstrligine qarasty Sý resýrstary komıtetiniń 62 jastaǵy basshysy Islam Abıshev 60 mıllıon teńge para alǵan degen kúdikke ilindi. Eger alynǵan aqshanyń kólemi qomaqty bolmasa, onda Islam Ábishev 2 aıdan keıin zeınetke shyǵa alady dep habarlaıdy Qamshy.kz aqparat agenttigi Vremá gazetine silteme jasaı otyryp.
Eskerte ketsek sý resýrstaryn Islam ÁBİSHEV jeti jyldan astam basqarǵan. Al oǵan deıin Túrkistan oblysyna qarasty Ordabasy aýdany men Shyǵys Qazaqstan oblysynyń ákimi qyzmetterin atqarǵan. Óskemen oblysyn basqaryp turǵan kezde qala halqy ony erekshe qurmettegen. Tipti Berdibek Saparbaev: Islam Ábishevty Ońtústikten alyp kelip, Óskemenniń tizginin ustatqanda qatelespegen ekenmin. Úsh jylda Óskemenniń óńi kirip, gúl jaınap, qulpyryp shyǵa keldi. Uıqysyz-kúlkisiz, tańdy-tańǵa uryp, talmaı istegen alapat beınet, qaranarlyq qaırat pen qara ter halyqtyń appaq yqylasy bolyp qaıta oraldy. Mańdaıdan tógilgen ter marjanǵa aınalyp, maıtalman ákim marqasqa qaıratkerge aınaldy - dep baǵa bergen.
Aıta keteıik, «Sý resýrstary komıtetin jeti jyldaı basqaryp kelgen Islam Ábishevti sol kezdegi mınıstr Asyljan MAMYTBEKOV taǵaıyndaǵan bolatyn. Bul jaǵdaıǵa baılanysty Mamytbekov istiń tek ońdy sheshilgen jaǵdaıda ǵana Ábishevtiń zeınetke shyǵa alatyndyǵyn aıtady.
Bul jaǵdaı Soltústik Qazaqstan oblysynyń Qyzyljar aýdanynda sý qubyry men aýyldyq jerdegi sý taratý júıesiniń qurylysyn jańǵyrtý úshin jalpy quny shamamen 6 mlrd teńge kóleminde konkýrs uıymdastyrý jumysynan bastalǵan. Ábishev aldy dep aıyptap otyrǵan 60 mıllıon tenge sol 6 mıllıard teńgeniń 1 paıyzy bolsa kerek.
Islam Ábishev 60 mıllıon teńgeni tikeleı ózi almaǵandyǵyn aıtady. Jyl basynda ózi basshylyq etetin "Qazaq kúresi" federasıasynyń vıse-prezıdenti Serik Tókeevke 1,5 mıllıon tenge bergen. Al, 60 mıllıon teńgeniń eń sońǵy bóligi, ıaǵnı, 50 mıllıon teńgeni 14 naýryz kúni Islam Ábishevtiń inisi, Túrkistan oblysynyń bıznesmeni Qanybek Ábishevke berilgen kórinedi. Sodan soń Sý resýrstary komıtetiniń tóraǵasy qamaýǵa alynǵan.
Aýdarǵan: Farıza Jomartqyzy
