Búgin «Qazposhta» AQ Basqarma tóraǵasy Sáken Sarsenov kompanıanyń byltyrǵy jylǵy jetistikteri men bıylǵy josparlary týraly baıandady. Málimdeme «Samuryq-Qazyna» Ulttyq ál-aýqat qory» AQ-nyń baspasóz konferensıasynda ótti.

2018 jyl ulttyq poshta operatory úshin óte tabysty jyl boldy. Atap aıtqanda, kiris kólemi 11 paıyzǵa ósip, taza paıda - 272 mln. teńge qurady. Osy rette, jańa tehnologıalardyń da alar orny zor. Nege deseńiz, ushqyshsyz ushaqtar poshta jetkizilimin 10 esege arttyrypty.

«2018 jyly «Qazposhta» ushqyshsyz ushaqtarmen poshtanyń jetkiziliminiń 10 ese arttyrdy. Ótken jyly drondar kómegimen 11 000 kg merzimdik bysylym tasymaldandy. Baspa basylymdyryn aýyldarǵa jetkizý kezinde drondar  460 saǵat ishinde 74 myń km ushyp ótti. Bul joba Almaty, Jambyl, Qaraǵandy, Túrkistan, Shyǵys Qazaqstan, Qostanaı oblystaryndaǵy 150 eldi mekendi qamtıdy. 4 kg-ǵa deıin júk kótere alatyn 20 dron iske qosyldy», – deıdi S. Sarsenov. 

Sondaı-aq, kompanıa «Sıfrlyq Qazaqstan» memlekettik baǵdarlamasyn iske asyrý aıasynda birqatar jumystar atqaryp jatyr. Máselen, 2018 jyly sıfrlyq ofısterdiń qyzmetterin 22 400-den astam adam paıdalanǵan. Buǵan qosa, ulttyq poshta operatorynyń kómegimen 763 myń 524 qazaqstandyq sıfrlyq saýattylyq kýrsynan ótken.

Kompanıa el turǵyndaryna sapaly qyzmet kórsetý maqsatynda jaqynda esepke alý poshta júıesin iske qosty ári 160 franchaızı kásipkerlerin seriktestikke tartty.

«2018 jyly «Qazposhta» AQ post.kz onlaın-qyzmetteriniń gıpermarketin damytýǵa jeke nazar aýdardy. Portaldaǵy jeke tulǵalar úshin PIK, balabaqshalar, kólik jáne áleýmettik kartalar nemese kez-kelgen basqa buqaralyq qyzmetter sıaqty 6 myń túrli qyzmet túrlerin  tóleý múmkindigi iske qosyldy. Nátıjesi - kúnine 500-1000 jańa tirkelim jáne búgingi kúni portaldyń 620 myń biregeı paıdalanýshysy bar. Ulttyq kompanıanyń 60 myń klıenti kúndelikti portaldy, al 21 myń klıenti mobıldik qosymshany paıdalanady», – dep atap ótti Basqarma tóraǵasy.

Al poshta operatorynyń 2019 jylǵa arnalǵan josparlary da az emes. İri jobalardy iske asyrý men kóp nátıjelerge qol jetkizý kózdelip otyr. Máselen, «Qorǵas» SHYHO-daǵy keden qoımasy ashylmaq. Qytaıdan Eýropaǵa jáne Ortalyq Azıaǵa poshtalyq jóneltilimderdiń tranzıtine de kóp kóńil bólinbek. Budan bólek, elektrondyq komersıa men franchaızıńtyq jelisi damı túsedi. Osylaısha, sıfrlyq jobalardy damytý syndy baǵyttar kún tártibinde bolmaq.

Aıta keterligi, Qazposhtanyń sıfrlyq tehnologıalardy qoldanyp, barlyq prosesterdi avtomattandyrýynyń nátıjesinde 2018 jyly jetkizilim ýaqyty 10-nan 6 kúnge deıin qysqardy. Al bul kórsetkish 2019 jyly nebári 3 kúndi quraıtyn bolady.

Bıyl júzege asatyn jaǵymdy jańalyq retinde 15-shi sáýirde Shymkent qalasynda ashylatyn alǵashqy E-commerce ortalyǵyn aıtsaq bolady. Buǵan qosa, Túrkistan oblysynda taǵy da fýlfılment-ortalyǵy ashylyp, ol Ózbekstanmen júk tasymaldaý kólemin ulǵaıtýǵa atsalysatyn bolady.