Agrarlyq salada aýqymdy daǵdarys bastalýda. Úkimet memlekettik baǵdarlamalary boıynsha moınyna alǵan mindetteriniń bireýin de tolyq oryndamaı otyr!

Birinshi taýyq etin óndirý salasynyń sýbsıdıalary tólenbedi. Bul biz taýyq etin tutyný mólsheriniń 47% ımporttaýyna qaramastan!
Qazir iri qara mal salasynyń sýbsıdıalaý problemasy.

Ósimdik salasyndaǵy sýbsıdıalaý saıasaty da kóp suraq týǵyzady.

Balyq salasynda sýbsıdıa múldem joq! 

"Osy aýyl sharýashylyǵyna sýbsıdıa ne kerek?" degen suraqqa jaýapqa mynandaı aıtarym bar. Sýbsıdıa máselesi ol bizdiń aýyl sharýashylyǵyndaǵy kásiporyndardyń tıimsizdiginde emes, másele basqa memleketterdiń óz óndirýshilerine tóleıtin sýbsıdıa mólsherinde. Ol memleket aralyq sýbsıdıalar soǵysy. Reseı men Belarýs memleketteri óz óndirýshilerine bizdikinen 2-4 ese kóp sýbsıdıa tólese bizdiń óndirýshiler olarǵa qarsy qalaı báseke bolmaq?

Eger bizdiń memleket sýbsıdıa tólegisi kelmese onda ol Reseı men Belarýs úkimetterimen sýbsıdıalardy múldem alyp tastaýǵa kelissin, nemese Kedendik Odaqtastyqtan shyǵyp keden salyǵyn eńgizip bizdiń naryqty qorǵaý kerek.

Osy sharalardy istemese onda bizdiń naryqty ımport jaýlap alyp, bizdiń ishki óndirisimiz ólip, azyq-túlik táýelsizdigimizdi joǵaltyp, negatıvtik saýda balansy paıda bolyp, devalvasıa jáne basqa da ekonomıkalyq daǵdarysynyń saldary paıda bolady.