Tuńǵysh prezıdent keńsesiniń basshysy taǵaıyndaldy dep habarlaıdy Qamshy.kz aqparat agenttigi.

Mahmud Qasymbekov Qazaqstan tuńǵysh prezıdenti keńsesiniń basshysy bolyp taǵaıyndaldy.  Al, Abaı Bısembaev Qazaqstan tuńǵysh prezıdenti is basqarýshysynyń birinshi orynbasary bolyp taǵaıyndaldy.

Baqytjan Temirbolatqa Qazaqstan prezıdenti keńsesiniń bastyǵy mindetin ýaqytsha atqarý júkteldi. Erlan Battaqov Qazaqstan prezıdentiniń is basqarýshysy mindetin ýaqytsha atqarady.

Nazarbaev qol qoıǵan jarlyq 19 naýryzda Aqorda saıtynda jarıalandy.

19 naýryzda Qazaqstan prezıdenti Nursultan Nazarbaev ortalyq telearnalar arqyly málimdeme jasap, ókilettiligin toqtatatynyn málimdedi. 

Nazarbaev "saılaý kezinde sengen" halyqqa alǵys aıtty. Ol "Nur Otan" partıasynyń jetekshisi jáne Qaýipsizdik keńesiniń tóraǵasy bolyp qala beretinin jetkizdi.

Nazarbaev saılaý ótkenge deıin ýaqytsha prezıdent qyzmetin senat tóraǵasy Qasym-Jomart Toqaevqa senip tapsyrdy. 

Usynǵan: Farıza Jomartqyzy