«Ýaqytym joq, renjimeshi, baýyrym,  Hál suraýǵa, syrlasýǵa ózińmen...»

    Maqpal Sembaı
    «Ýaqytym joq, renjimeshi, baýyrym,  Hál suraýǵa, syrlasýǵa ózińmen...»

    Baıybyna barmaı keıbir isterdiń, 
    Asyǵystaý qabyldaımyz sheshimdi. 
    Túımedeıge renjımiz de júremiz, 
    Ala almaı árkimnen bir óshińdi. 
    .
    «Ýaqytym joq, renjimeshi, baýyrym, 
    Hál suraýǵa, syrlasýǵa ózińmen...» 
    Ómir syrǵyp barady aǵyp, qaıteıin, 
    Syr ketedi eken báribir tózimnen... 
    .
    İzdemeı de, alańdamaı eshkimge, 
    Tirisinde bilmegen soń qadirin. 
    Kóz jasyńa otyrasyń malynyp, 
    Ketkennen soń qushaqtap ap qabirin. 
    .
    Sen de aıtasyń: "mende joq - dep, - túk ýaqyt",
    Men de aıtamyn: "mende joq- dep, - túk ýaqyt". 
    Kúnde kórip júrmesek te, baýyrdyń,
    Amandyǵyn bilý-daǵy - bir baqyt... 
    .
    Bir qursaqqa syısa-daǵy baýyrlar, 
    Bir qushaqqa syımaıdy eken, jalǵan-aı... 
    Bes tas syndy bes beleske laqtyryp, 
    Tastaıdy eken ómir quryǵyr... 
    ...arman-aı... 
    .
    Maqpal Sembaı 

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026