Madına Ábilqasymova Ulttyq bank tóraǵasynyń orynbasary bolyp taǵaıyndaldy dep habarlaıdy Qamshy.kz aqparat agenttigi Aqordaǵa silteme jasap.

"Memleket basshysynyń Ókimimen Ábilqasymova Madına Erasylqyzy Qazaqstan Respýblıkasynyń Ulttyq banki tóraǵasynyń orynbasary bolyp taǵaıyndaldy", - delingen habarlamada.

Memleket basshysynyń qaýlysymen Janat Bostanuly Qurmanovtyń Ulttyq Bank tóraǵasynyń orynbasary qyzmetinen bosatylǵany aıtylady.

Madına Ábilqasymova 1978 jyly Almaty qalasynda dúnıege kelgen.

1999 jyly Qazaq memlekettik basqarý akademıasyn "halyqaralyq ekonomıkalyq qatynastar" mamandyǵy boıynsha bitirgen.

2002 jyly Kolýmbıa ýnıversıtetin halyqaralyq qatynastar magıstri dárejesimen "ekonomıkalyq saıasatty basqarý" mamandyǵy boıynsha támamdaǵan.

2011 jyly Garvard ýnıversıtetiniń Kennedı atyndaǵy Memlekettik basqarý mektebin "memlekettik basqarý magıstri" mamandyǵy boıynsha aıaqtaǵan. Túrli jyldary Strategıalyq josparlaý agenttiginiń bas mamany, Ekonomıka jáne búdjettik josparlaý mınıstrliginiń strategıalyq josparlaý basqarmasynyń basshysy, "Marketıńtik-taldamalyq zertteýler ortalyǵy" AQ memlekettik saıasatty taldaý departamentiniń dırektory bolyp eńbek etken.

2006-2008 jyldary Ábilqasymova QR premer-mınıstri keńsesiniń Áleýmettik-ekonomıkalyq bólim meńgerýshisiniń orynbasary bolǵan, odan keıin QR Prezıdenti Ákimshiliginiń Strategıalyq ázirlemeler jáne taldaý ortalyǵy meńgerýshisiniń orynbasary bolyp taǵaıyndalǵan.

2011 jylǵy qyrkúıekten 2013 jylǵy aqpanǵa deıin QR ekonomıkalyq damý jáne saýda vıse-mınıstri laýazymyn atqarǵan.

2012 jyldan bastap Dúnıejúzilik banktiń Qazaqstandaǵy basqarýshysynyń orynbasary, 2013-2014 jyldary ekonomıka jáne búdjettik josparlaý vıse-mınıstri qyzmetterinde boldy.

Usynǵan: Maqpal Sembaı