Búgin oblystyq máslıhattyń hatshysy Sultan Dúısembinovtiń tóraǵalyǵymen oblystyń máslıhattyń VI shaqyrylymynyń kezekten tys XXXXIV sesıasy ótti.

Jıynda Almaty oblystyq máslıhatynyń 2018 jylǵy 13 jeltoqsandaǵy «Almaty oblysynyń 2019-2020 jyldarǵa arnalǵan oblystyq búdjeti týraly» № 38-211 sheshimine ózgerister men tolyqtyrýlar engizý týraly negizgi baıandamany oblystyq ekonomıka jáne búdjettik josparlaý basqarmasynyń basshysy Jomart Ámirhanov jasady.

J. Ámirhanovtyń aıtýynsha, naqtylanǵannan keıin oblys búdjeti 462,2 mlrd. teńgeni qurady. Áleýmettik baǵyttaǵy ózgerister men tolyqtyrýlar oblystyń odan ári damýyna jáne maqsatty ındıkatorlarǵa qol jetkizýge baǵyttalǵan. Bul rette kóp balaly jáne az qamtylǵan otbasylardy qoldaýǵa erekshe nazar aýdaryldy.

Ol, sonymen qatar memlekettik-jekemenshik áriptestik jobalary týraly da aıtty. Máselen, 2018 jyly jeke seriktestermen jalpy quny 28,9 mlrd. teńge bolatyn 13 jobaǵa kelisim jasalǵan. Onyń ishinde tartylǵan ınvestısıa kólemi – 14,4 mlrd. teńge. Bul - jobalar bilim berý, densaýlyq saqtaý, áleýmettik qorǵaý, sol sıaqty sport pen energetıka salalaryndaǵy jobalar. Bıylǵy jyldyń portfelinde quny 87,5 mlrd. teńge bolatyn 29 joba bar. Onyń 3-eýi bilim berý, 5-eýi – densaýlyq saqtaý, 7-eýi – energetıka jáne TÚKSH, 3-eýi – sport, 5-eýi – jol boıynsha, 1-1-den aýyl sharýashylyǵy, ónerkásip, týrızm, mádenıet jáne qaýipsizdik salalarynda.

Sondaı-aq sesıa barysynda J. Ámirhanov Almaty oblysynyń 2018 jylǵy damý baǵdarlamasynyń júzege asyrylý qorytyndylary týraly da baıandady.

Kún tártibindegi barlyq máseleler qaralyp, depýtattar tarapynan tolyq qoldaý tapty.