Almaty oblystyq partıa fılıalynyń tóraǵasy, oblys ákimi Amandyq Batalovtyń jetekshiligimen «Nur Otan» partıanyń oblystyq aktıv otyrysy ótti.

Oblys basshysy partıanyń 20 jyl ishinde bedeldi uıymǵa aınalǵanyn aıta kele, onda parıanyń ár múshesiniń eleýli úlesi bar ekenin atap ótti. Jýyrda ótken partıa sezinde qaralǵan máselelerge toqtalyp, uıymnyń 20 jylda atqarylǵan jumystary saralanǵanyn, partıanyń 2030 jylǵa deıingi «Baqýatty qoǵam: 10 jyldyqqa 10 maqsat» atty baǵdarlamasy qabyldanǵanyn, partıa Jarǵysyna ózgerister men tolyqtyrýlar engizilgenin atap ótti.  

Aktıv aldynda baıandama jasaǵan Amandyq Batalov partıanyń bastamashyl jobalary aıasynda jyl boıy júrgizilgen jumystarǵa saraptama jasap, ortaq jumystyń josparymen tanystyrdy.

- Búgingi kúni oblysta 4 jáne odan da kóp balaly 40 myń otbasy bar. Bul januıalardyń tabys deńgeıi árqıly. Sondyqtan biz birinshi kezekte tabysy tómen kóp balaly otbasylaryna kóńil bóletin bolamyz. Az qamtylǵan otbasylaryn, sonyń ishinde kóp balaly otbasylaryn neǵurlym keń qamtý úshin ataýly áleýmettik kómek kórsetý krıterıleri tómengi kúnkóris sheginiń 70 prosentine deıin, ıaǵnı 14 849 teńgeden 20 789 teńgege deıin (kúnkóris deńgeıiniń tómengi shegi – 29698 teńge) arttyrylady. Mundaı otbasylardyń kiris jıyntyǵyn eseptegende kóp balaly otbasylarǵa, kóp balaly analarǵa beriletin memlekettik járdemaqylar, balalardyń múgedektigi úshin beriletin járdemaqylar, stıpendıalar esepke alynbaıdy. Sonyń negizinde bizdiń oblysta ataýly áleýmettik kómek alatyndar sany 11 myń otbasynan (59 myń adam) 17 myń otbasyna (87,4 myń adam) artatyn bolady. Sol sıaqty múgedek balalarǵa beriletin járdemaqy kólemi de 30 prosentke ulǵaıady, ony oblysta 8 108 otbasy alady, - dedi óz sózinde Amandyq Batalov.

Sonymen qatar kóp balaly jáne az qamtylǵan otbasylaryna arnalǵan áleýmettik qoldaý sharalaryna oblystan 3 mlrd. teńgeden astam qarjy bólinip otyrǵanyn tilge tıek etti. Oǵan kóp balaly otbasylaryna arnap salynatyn eki kóp qabatty úıdiń jobalyq-smetalyq qujattaryn daıyndaý, qurylysyn bastaý, kotejdi qalashyqtan úı bólý, 7-20-25 baǵdarlamasy boıynsha 1 mln. teńdegen turǵyn úı sertıfıkattaryn bólý, JOO-ǵa qosymsha 100 grant bólý, osy sanattardaǵy otbasy balalaryn mektepte tegin ystyq tamaqpen qamtý jáne basqa da sharalar atqarylatynyn egjeı-tegjeıli baıandap berdi.

Elbasynyń sıeze bergen naqty tapsyrmalaryn oblysta sapaly iske asyrýdy orynbasarlaryna, jaýapty basqarma basshylaryna, ár aýdan, qala ákimderine tapsyryp, partıalyq jobalardyń oıdaǵydaı júzege asyrylýyna baǵyttalǵan mindetter júktedi.

Jaryssózge shyqqan Raıymbek aýdandyq partıa fılıalynyń tóraǵasy, aýdan ákimi Jolan Omarov jańadan qurylǵan aýdandaǵy partıalyqtar atqarǵan jumystarǵa qysqasha toqtalyp ótti: «Jyl basynan az qamtylǵan, kópbalaly otbasylar men erekshe kútimdi qajet etetin azamattarǵa 400 tonna kómir, 2 mln. teńgege azyq túlik, kıim – keshek, sonymen qatar qarjylaı kómek kórsetildi. «Mektep sport alańdary» jobasy aıasynda Shálkóde, Talas, Qaınar aýyldarynda jastar ózderi bastama kóterip, oqýshylarǵa arnalǵan kúres zaldaryn, shaǵyn sport keshenderin saldy. Ótken jyly 20 komýnaldyq turǵyn úı paıdalanýǵa berilse, bıyl 83 turǵyn úı salynady dep josparlanyp otyr», - dep atap kórsetti.

Aktıv otyrysynda «Aınalaıyn» balalar úıi dırektorynyń tárbıe isi jónindegi orynbasary, kópbalaly ana Móldir Janaıbekova partıanyń áleýmettik máselelerge den qoıyp, erekshe kútimdi qajet etetin balalary bar analarǵa múmkindikter qarastyrylǵanyna qýanǵanyn jetkizdi.

«Kópbalaly otbasylaryna osy ýaqytqa deıin memleket tarapynan berilgen jeńildikter men qamqorlyqtar bizdiń januıamyzǵa da kórsetildi. Mine bıyl ekinshi jyl, bir balamyz Nazarbaev Zıatkerlik mektebinde, ekinshi balamyz fızıka – matematıka baǵytyndaǵy Daryn mektebinde oqyp júr. Sıeze kópbalaly analar máselesi qaralyp, ár balaǵa aı saıynǵy járdemaqy mólsheri artqany qatty qýantty», - dedi óz sózinde M. Janaıbekova.

Kásipkerlerdiń partıalyqtarmen birlese atqaryp jatqan júıeli jumysyn «Almatınskıe kraskı» JSHS dırektory, «Nur Otan» partıasynyń XVIII seziniń delegaty Rımma Salyqova jetkizse, jastar atynan sóz alǵan Almas Batyrhan partıa qataryna jańadan qosylǵan jas tolqynnyń atynan 20 jyldyq mereıtoıǵa jyly lebizin bildirip, Jastar jylynda jas patrıottardyń aldyna qoıǵan negizgi baǵdarlarymen tanystyrdy.

Aktıv qorytyndysynda oblystyq fılıal tóraǵasy, oblys basshysy Amandyq Batalov aýdan, qala ákimderi men oblystyq basqarma basshylary, depýtattar men sala mamandaryna tıisti tapsyrmalar júktep, is-sharalar josparyn ázirleýdi jáne partıanyń jańa baǵdarlamasy boıynsha jumysty júıeli júrgizýdi, is-sharalardyń mazmuny men qajettilikterin qaıta bir qarap shyǵýdy tapsyrdy.